「復出」後難捨太太 莊偉忠談夫妻之道:一日無打茄輪都唔係愛情

撰文:
最後更新日期:

向以敢言及「貼地」著稱的商界管理達人莊偉忠,亦是一名「愛妻號」,他近日重投商界,自言最緊張太太意見,又指與太太感情如膠似漆,復出後最難捨棄與太太每日「撐枱腳」食早餐的溫馨時光,惟有每天獻吻表達愛意。

莊偉忠告別「退休」生活加盟康宏,最不捨與太太的甜蜜時光。(鍾偉德攝)

「佢(太太)問邊個陪我食早餐?我識咗佢31年以來,未試過超過一個禮拜同佢食早餐,結果對上 3個月以來,除咗開工有嘢做,我日日同佢食早餐。佢突然間咁話,我都覺得好酸。」
莊偉忠

自從今年5月辭去一田百貨行政總裁職務後,莊偉忠「退下火線」三個月,近日宣告加盟康宏金融集團任行政總裁。對於「復出」決定,莊偉忠坦言最關注太太意見,「佢講咗句說話,問邊個陪我食早餐?我識咗佢31年以來,未試過超過一個禮拜同佢食早餐,結果對上3個月以來,除咗開工有嘢做,我日日同佢食早餐。佢突然間咁話,我都覺得好酸。」

最不捨與太太的甜蜜時光

在短短三個月的「退休生活」中,莊偉忠最不捨的,自是與太太相處的甜蜜時光:「以前每日返工,穿起西裝或恤衫、牛仔褲,佢訓醒或未訓醒都好,我一定會錫佢一啖至返工。對上呢幾個月,我都唔使錫佢,因為佢比我早起身。今朝早,我又錫佢一啖,佢醒咗同我講,『小心啲,落雨出面』。你問我,係好唔捨得。」

他笑言,自已與太太感情甚好,更會每日親咀表達愛意,「愛情,只要有一日,兩公婆無打過茄輪,嗰啲都唔係愛情,只係感情。呢啲說話好多讀者中意聽,而現實地我同老婆日日打茄輪。」

「愛情,只要有一日,兩公婆無打過茄輪,都唔係愛情,只係感情。」
莊偉忠

莊偉忠多次在個人facebook專頁,表達對太太的「肉麻」。莊偉忠FB截圖

處事一向坦蕩蕩的莊偉忠,從不忌諱人前「肉麻」。出席記招活動,莊不時提及自己每晚分擔家務努力「洗碗」的習慣,又多次向太太公開表達愛意,如曾在訪問中說能與太太結婚,是十世修來的福氣。今年3月,適逢與太太結婚28周年,莊偉忠便於facebook專頁發出一則名為「緣定今生」的帖子,感謝太太當年看上仍為「廢青」的自已,更揚言「結婚二十八年,太短喇,一萬年喇,可以嗎?」該帖獲得逾2萬人讚好,1,800人轉發,成功吸引大批女粉絲支持。



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。