天文台預測今日平均氣溫只有3度，但仍無礙一班泳客冬泳。清晨未夠5點，西貢銀線灣已經搵到泳客身影。其中一名健兒李先生夥同兩名友人，無懼寒風如常到銀線灣泳灘游早水。

本身為的士司機的李先生指，自己游早水有兩年多，已成為每早「例行公事」，即使今天天氣嚴寒，只有5度低溫都要落水，但平時會游兩小時，今天則縮短至半個鐘左右。

李先生更指，落水後感覺良好，不會覺得太凍，反倒是上岸後沖涼先係最「甘」！由於泳灘沒有安裝熱水爐，上水後泳客都只能以「冰水」洗身，所以希望康文署可以加設熱水爐，令泳客免於「刺骨之苦」。