【果欄三級火】消防火場勇救唐狗 果欄東主﹕即管爆門啦!
焚燒4小時的油麻地果欄三級火，各檔東主或損失慘重，惟最心痛的，或是相伴「志生欄」果檔十多載的愛犬阿美仍身陷火場，生死未卜？終於苦等多時，消防員傳來好消息。「志生欄」東主甘生飼養的唐狗阿美獲救。他喜出望外指出，他得悉火警後趕返舖頭，欲尋找阿美下落，可惜火場被封，他只可遠處遙望店舖，不知阿美生死。甘曾請求消防員營救愛犬，直言﹕「即管爆門啦!」。甘生擔心年事已高的阿美無力支撐烈火濃煙，憂心不巳稱﹕「貨無咗唔緊要，最緊要隻狗。」
至晚上約8時，火勢受控後，消防員在火場救出阿美，牠全身顫抖，由消防員交回手中。甘放下心頭大石﹕「搵返啦搵返啦!依家開心晒啦!」多謝消防員。
東主甘生﹕即管爆開度門救阿美
油麻地果欄的三級火，焚燒近4小時至晚上8時受到控制，多間果檔東主聞訊趕回查究。檔主甘先生的果檔剛剛對正起火果欄的位置，他表示：今日(4日)下午約4時，接獲朋友電話通知，指對面果檔大火，「即刻揸車趕過嚟」。
甘生果檔內養有一頭10多歲的唐狗阿美，但到場時甘生已不可接近果檔，「我同消防員講，我隻狗瞓咗係入面，可唔可以幫我，如果聽到狗吠，即管爆開度門，但消防員話暫無辦法，依家唯有係度乾等。貨無咗唔緊要，最緊要隻狗。」
甘生無奈指，相信阿美不太安全，又指店內仍存放小量水果，損失最多也是數萬元，但若燒晒間舖，裝修費隨時要數十萬。
阿美全身顫抖躲在檯下 消防成功救出
晚上約8時，大火受控後，消防員亦為甘先生帶來好消息。消防員憑甘先生提供的「志生欄」檔口鑰匙，成功救出躲在檯底、全身震抖的阿美，牠僅受驚，並無受傷。消防員將阿美交還甘先生，他感激不已說：「搵返啦，搵返啦，畀鑰匙佢(消防員)幫我救，依家開心晒啦!」甘又指，會先帶阿美離開，「鬆晒啦一身，帶阿美離開先，間舖都唔理啦，最緊要隻狗無事。」盡露人狗情深
另一檔主李太及李小姐於事發時正身處果檔，猶幸她們的果檔遠離火場，李小姐當時聽到人大叫火燭，「於是即刻帶埋隻狗衝出去，見到好大煙」，但她相信其果檔不受影響。
