【Formula E】市民續場外搵位 爸爸抱兩子看半小時練習賽（有片）
香港首辦的Formula E賽事進入第二日，下午會舉行「重頭戲」的錦標賽。無買票又想一睹Formula E極速的市民，「檢討」過首日賽事「搵窿睇」的經驗，早上10時前已在國金二期商場的Apple store外等開門，「霸靚位」看賽車，至中午已聚集近百人，不過該店未有阻撓。至於中環摩天輪附近，同樣有市民透過半透明的布幕一「窺」賽事，甚至有爸爸抱着兩子足足半小時。
有市民指應設觀眾「徒步區」
雖大會觀眾席門票早已售清，但仍有設大螢幕觀看賽事、價值300元的eVillage嘉年華門票，不過售票處門庭冷落，長時間都是無需排隊即可購得。在首日賽事曾持嘉年華門票進場的Koma坦言昨日甚失望，限制過多，「入到去唔好話車，連賽道都睇唔到，咁我不如返屋企睇電視好過啦，搞得哩啲賽事就應該平民化少少。」他指其後與朋友「發掘」到大會堂附近的一段賽道外圍，可隔住鐵欄近距離觀賽，惟今早約11時，一度被大會職員用藍色布幕遮蓋，唯有再到愛丁堡廣場2樓「無聲」看車，「我當自己聾咗咯。」
上月曾到新加坡觀看F1的林先生指，新加坡與香港一樣設有不同價的門票，但入場者可站在賽道兩旁隔住鐵欄看車，「一堆人圍住睇，氣氛點都好過被隔咁遠睇啦，起碼近距離感覺都好唔同，但香港（eVillage嘉年華門票）就真係嘉年華，入到去連車都唔俾睇。」買了嘉年華門票的他坦言，無想過大會限制持該類門票者看比賽，不利普及賽事活動，認為應借鑑新加坡設「徒步區」，更好感受氣氛。
近百人Apple Store駐足觀賽
反觀場外「靚位」Apple Store，聚集近百人，早上練習賽期間，一度出現「炒車」，市民不約而同發出嘆息聲，甚有氣氛。玩過小型賽車8年的朱先生早上10時已在Apple store「霸位」，他稱昨日有電動方程式賽車落場，首次近距離聽到高頻摩打聲「感覺好爽」，今日在商場內只能看車，聽不到車聲，「無辦法啦，有得睇已經好好。叫我俾300蚊入去睇大電視，咁不如係度嘆冷氣睇車仲好。」
在中環摩天輪附近，有市民在賽道外圍高舉自拍神棍影相，又有隔住半透明布幕「偷看」賽車。抱住兩名兒子的楊先生說，香港首次舉辦Formula E機會難得，故辛苦抱住兩了半小時練習賽也值得，「現場睇同聽聲，比睇電視真實好多，俾仔仔感受下賽車氣氛都幾好。」
