【有片】阮兆祥Benz跑極速自焚　同車女友：好驚呀！仲震緊！

而家我身無分文，乜都無晒

收掣不及猛撞前車

今晚（15日）6時34分，藝人阮兆祥駕駛其平治跑車，接載女朋友参加她母親的90歲壽宴，惟駛至沙田大埔公路沙田段近港鐵沙田站對開時，前方一輛貨車因應交通意外而煞停。阮收掣不及猛撞前車，幸他與女朋友俱無恙，並報警求助。

詎料，阮兆祥的座駕車頭突然離奇起火，現場火光熊熊，更冒出大量黑煙，阮及女友立即逃至安全位置暫避，遠自火車站月台內的乘客皆可見路中有一團烈火。消防接報趕至現場救援，迅即將火救熄。現場消防雖不斷向肇事私家車的車身射水降温，但肇事車輛已嚴重焚毀，只餘下支架。

為何起火？祥仔笑說：你問我，我問邊個呢？

阮兆祥在現場協助調查，記者遂上前了解情況。阮指出，事發前他接載女朋友前往晚餐，駛至上址時，前方貨車因一宗交通意外而急停，他收掣不及，猛撞向前車，未幾平治房車便起火，他亦大吃一驚，立即與女朋友逃離房車。記者追問何以平治會突然起火，阮即稱﹕「你問我，我問邊個呢？」

快到祥仔都拎唔切啲銀包電話⋯⋯好驚呀，仲震緊。

撞車後0.01秒起火　祥仔女友﹕好驚呀

據祥仔女朋友表示，今晚是其母親今晚90歲大壽辦壽宴，事發時祥仔與她正趕往壽宴。駛至上址時，前方發生交通意外，前面貨車因應交通情況已突然煞停，祥仔收掣不及，於是撞向貨車車尾。祥仔下車欲向貨車司機理論，詎料房車此時起火，「係0.01秒之間，電光火石之間，撞咗後車頭起火。」女朋友拿起個人財物逃離車廂，私家車迅即陷入火海，「快到祥仔都拎唔切啲銀包電話！」眾人逃至安全地方暫避。祥仔女友指猶有餘悸，「好驚呀，仲震緊。」

笑指身無分文：要籌旗

祥仔與女友離開時，再回應記者提問，提及身上的銀包財物全部燒毀，「而家我身無分文，乜都無晒。」記者追問是否要「籌旗」，可借予他20元﹕「洗唔洗借畀你呀？」祥仔伸手笑稱﹕「好呀好呀！」

釀成沙田大塞車

受事件影響，現場交通情況擠塞。運輸署指出，因交通意外，大埔公路沙田段往九龍方向近沙田港鐵站的部份行車線已封閉。駕駛人士只可使用餘下行車線行車。現時車龍龍尾已到火炭港鐵站，上址交通擠塞。運輸署呼籲駕駛人士盡量忍讓。