團體撐建故宮博物館　召集人：西九係全世界文化中心

政府早前決定於西九文化區興建故宮文化博物館，但因未經諮詢而遭不少人批評。支持興建香港故宮文化博物館大聯盟召集人翟建民出席電台節目時，形容「西九係全世界文化中心」、「係一個好地方」，相信博物館可吸引市民及內地遊客。

翟建民指，過往香港展出重量級藝術品如《清明上河圖》，亦可吸引大批市民入場觀賞。他認為若故宮博物館同樣放置重量級藝術品，如明、清官用瓷器、景泰藍、木雕及竹器等，「已經夠睇，夠你學一年半載」，亦可帶動市民興趣。

北京及台灣亦分別設有故宮博物館，香港的故宮文化博物館能否吸引內地旅客參觀？翟建民指「北京還北京，香港有啲嘢北京無」，認為內地旅客「嚟飲嚟食」的同時，亦會花多一兩天時間到香港故宮文化博物館遊覽。