【雞年到】「買公仔送毛氈」年廿九開始散貨 檔主：賣幾多賺幾多
撰文：梁煥敏
出版：更新：
「十、九、八、七……」熱鬧的倒數過後，代表正式踏入雞年，維園年宵市場亦來到尾聲，不少攤檔成功散貨收爐，但仍有貨在手的攤檔，就加多兩錢肉緊叫賣。檔主之一黃小姐表示，年廿九大致已經回本及售出八成貨物，故今日「賣幾多賺幾多」估計賺到約二萬元「我哋都無諗過咁快賣晒，仲可以去執平貨。」
黃小姐（右二）笑說年廿九已經賣出八成貨物。（梁煥敏攝）
黃小姐的攤檔售賣倉鼠及雞仔公仔，年廿九大致已經回本及售出八成貨物，年三十已是「賣幾多賺幾多」，下午約兩時許已經將所有貨品售清，夾股的廿個檔主已賺個盤滿缽滿過好年。估計賺到約二萬元的她說：「我哋都無諗過咁快賣晒，仲可以去執平貨。」
問到較其他攤檔及早收工跑賺大市，她表示有獨特的致勝之道：「我哋諗到如果齋賣公仔一定唔得，所以我哋係送埋毛氈仔，吸引媽媽客，發現幾成功。（其實幾日來有無加價及減價？）有，後期淨返幾個就平賣埋佢！」
樹仁大學商業投資學會成功在凌晨時份清貨。（梁煥敏攝）
另外，售賣各款雞公仔的樹仁大學商業投資學會同學，同樣已於凌晨時分將貨品沽清，攪手之一的梁同學表示首次投資，惟各同學擔心不能清貨，只入貨幾九百多個，比其他攤檔為少故較快完成。由於場內不少檔攤均出售公仔，開檔中期亦有擔心銷情，但後期因進行大減價速銷，效果相當不錯。「到凌晨一點我哋做半價，由128蚊減到60蚊，貨就去得好快。宜家我哋計過，共120股投資中，同學每股賺到60蚊，都感到滿意。」
問到同場多個攤位均售價公仔，若再次入股年宵會否改賣其他用品，黃表示有興趣再次投檔，並改為投資小食店：「見到咁多日，人人都拎住冰糖士多啤梨，有得玩一定做食物。」
濕貨銷量不俗，不少花店早已清貨離開。擁有多個攤檔的蘭花大王楊小龍表示今年未有大幅減價，但已有較多個攤檔提早「收爐」，收獲不錯。
