傳梁振英任政協副主席 田北俊質疑身份有衝突：代表中央定港人？
撰文：陳嘉洛
出版：更新：
《香港01》昨日獨家報道，特首梁振英最快下月晉身全國政協副主席，梁振英將史無前例地同時兼任特首及國家領導人。2014年佔中期間、因公開建議梁振英辭職而被政協「搣柴」的自由黨田北俊質疑，梁振英同時出任特首及政協副主席，身份上有衝突，「如果有起事來，到底你係代表中央講說話，定係代表香港人呢？」
田北俊質疑，梁振英兼任特首與國家領導人身份有衝突。（資料圖片）
田北俊今早在電台節目表示，梁振英出任特首表現差，中央亦不覺他適合爭取連任，最終被中央「炒魷魚」，但現在卻更上一層樓做國家領導人，令他「諗唔通」。他質疑，梁振英在餘下四個月任期兼任特首和國家領導人並不合適，「如果有起事來，到底你係代表中央講說話，定係代表香港人呢？」
2014年佔領運動期間，田北俊公開建議梁振英考慮辭職下台，結果被全國政協「搣柴」，剝奪政協委員職務，「當時我都覺得好公道，因為我想代表香港市民在立法會說話，同全國政協『委員仔』都係有衝突......咁全國政協副主席同香港行政長官，如果有衝突又點搞呢？」
田北俊又質疑，若梁振英一旦當選全國政協副主席，「做咗國家領導人，係咪下任行政長官上場後，唔可以調查梁振英UGL案呢？係咪中央政府答應咗梁振英，就乖乖哋唔爭取連任呢？」
