【有片】物理治療師攻珠峰頂突失明 靠「神人雪巴人」贈氧氣保命
周日（21日）有兩位港人成功登上珠穆朗瑪峰，中學女教師曾燕紅更成為香港首位登頂女性，另一人為38歲的物理治療師吳俊霆，他今日（25日）返港，在機場分享驚險萬分的過程！吳俊霆憶述，攻頂後突然失明，要在八號風球的風速下下山，10小時內跌倒過百次，氧氣亦耗盡，靠隨行的「最強雪巴人」不斷鞭策，亦靠路過的雪巴人送贈氧氣，才得以保命下山。
吳俊霆今早返港，在機場分享登上珠峰的生死經歷。他憶述，攻頂當日珠峰的天氣是2003年至今最難預測，「我哋好信天氣報告話21日晚8點會收風，天氣最靚，到後尾原來係22號最靚，21號最差」。在上周六（20日），他揹著12公斤裝備，與兩位雪巴人出發，「愈上愈大風」，不久已見到有兩名攀山者垂死在路途，隨行其中一位雪巴人其後亦患上高山症，要中途折返。
登頂突失明
吳俊霆指，周日清晨5時59分登頂，當時風速如八號風球，溫度約零下50度，「遞隻手出嚟，3分鐘就唔要得架喇」，又指帶山峰的4部相機全部報廢。上山途中，吳俊霆早覺視力減退，登頂後卻只見到白濛濛一片，右眼失明，「吹一陣成隻眼結冰…捽下捽下發現捽唔走」，左眼亦只能見到有顏色的東西，估計是眼角膜發炎，逗留短短半小時就須下山，「喺珠峰頂盲咗嘅人係死硬。」
雪巴人送氧氣樽保命
每個登珠峰的人，生命都連繫在雪巴人身上，吳俊霆大讚隨行的是「最強雪巴人」，曾用約8小時攻頂，紀錄至今無人能破。但因為失明，吳俊霆下山時仆倒過百次，一跌就跌3、4米，全靠雪巴人用繩索扯著，又不時拳打腳踢、用粗口鞭策他切勿停下，「係都唔俾我瞓、唔俾我停低，嘢都無食。」到尾段，氧氣用完，連雪巴人也耗盡力氣，「每行5步就要攤低...跪住地咁爬落山」。到8200米高度左右，幸有另一雪巴人經過，將僅有的一支氧氣樽給予他們，他們才得以繼續下山。下山後，他休息了兩日才恢復視力。
曾燕紅近日也分享登山經歷，稱沿途見到兩人求助，但自己不能停下來救援，被網民批評「見死不救」。吳俊霆坦言，山上環境極度險峻，大家只能靠氧氣樽活命，正常人每走3步要停一停，「咁嘅情況你點能拖一個60公斤嘅人落去？」他續指，大部分垂死的人「玩緊無氧」，本身不用氧氣樽，「你可以俾自己氧氣佢，但你就係用你條命換佢條命...我自己爬山嗰刻，都已經預咗無命，珠峰係『Everest with no mercy』。」
形容雪巴人是「神人」
吳俊霆形容雪巴人是「神人」：「真正攻頂後你條命只是連繫到你嘅雪巴人身上，根本唔能夠再救其他人。」在雪巴人幫助下，吳俊霆亦不斷自我激勵，「（下山時）換咗身份，垂死嗰個係我…只要有一刻唔堅持，跌低咗唔起返身，我就死架喇。為咗活命，可以話係用咗一生氣力帶返自己去Camp 4。」
今次是成功登頂心情很激動，他最想多謝是一直默默支持他的父母和朋友，「感恩一路以來好多人支持我、錫我。」被問到新目標時，他笑言「食返啲好嘢先得唔得呀？」又指未來希望爬一些「靚山」，年內會再到南美爬山。他計劃用今次所拍的影片製成宣傳片，希望大家追尋夢想，默默耕耘之餘亦要問心無愧，高歌《獅子山下》一句「我哋大家，用艱辛努力寫下那，不朽香江名句。」
