港鐵推全新97折優惠 小冊子教如何慳到盡 乘客炮轟孤寒浪費時間

撰文:黃雅盈
出版:更新:

港鐵今日(18日)起推出八達通車費97折優惠,為期半年,但原來不少人都不知道有這新優惠。有市民則指優惠太少,斥港鐵「孤寒」猶如「做show」,又建議港鐵應直接減價。
港鐵就新優惠特別印製小冊子,舉出三個例子教導乘客如何「善用」港鐵各種優惠的「攻略」,惟所謂的「攻略」卻引來市民反感,炮轟「唔會為咗幾蚊浪費時間」。

港鐵推出全新的97折票價優惠,但原來不少市民都不知今起實施。(吳鍾坤攝)

港鐵今年首度凍結票價,並額外撥出金額,由今日(18日)開始推出全新的「每程八達通車費3%回贈」計劃,取代以往的第2程9折優惠,市民可於未來6個月享用。在優惠下,成人八達通收費普遍享有幾毫的回贈,例如大圍至沙田由現時3.7元減少至3.6元,減幅為1毫。

而在推出新優惠的同時,港鐵更特意印刷宣傳小冊子列出「優惠攻略」,教導市民可用盡其各種優惠,以使乘客「慳到盡」。但其實攻略內的優惠主要建議市民使用早晨75折優惠、特地尋找特惠站,或使用全月通優惠,亦即是意味着乘客只可在特定時間使用,和並非人人適用。

鄭小姐認為港鐵似是「做show」,又指一直對港鐵沒有期望。(吳鍾坤攝)

乘客:若港鐵有心做車費應7折

不過,港鐵今起推新優惠並非人人皆知,現年19歲的鄭小姐認為港鐵似是「做show」:「一直都對港鐵無咩期望,好似之前個生日獎咁都無用,今次97折慳得幾毫,做咗都好似無做咁,根本就係孤寒!佢個小冊子教人慳好幾蚊有咩用,真係唔會特登咁計、完全係浪費時間。」她又稱,若然港鐵有心做優惠,應該車費做7折優惠,或直接減票價。」

邱先生直斥港鐵97折是「小恩小惠」,只是將市民的錢給回市民。(吳鍾坤攝)

乘客林先生則指97折優惠好過無:「雖然97折唔係多,但都叫好過無,依家車費都仲可以接受,但真係希望減少啲故障;小冊子教人用盡優惠都無咩用,其他啲優惠又唔係人人啱用,唔通照住嚟搭咩,唔會囉!幾蚊畀返佢算。」

乘客:不如直接減價錢

另一名乘客邱先生直斥港鐵97折是「小恩小惠」:「97折都唔係好幫輕到市民,咪又係用之前喺我哋度賺嘅錢畀返我哋,依家啲車費都好貴,與其減得少少,不如直接減價仲好啦!」乘客張小姐亦稱,97折並不吸引,她建議港鐵要多做優惠,例如擴大全月通計劃。

港鐵97折優惠將為期3個月,取代以往的第2程9折優惠。(吳鍾坤攝)