有片｜西貢私家車猛撼路壆陷火海　熱心人助救出司機：快啲出嚟！

西貢今日（11日 ）發生驚險交通意外。傍晚6時47分左右，警方接獲多名駕駛人士報案，指一輛黑色私家車在西貢公路歡泰花園對開，懷疑失控自炒猛撼路壆，撞欄杆路牌，其後餘波未停再剷上草叢。

私家車隨後冒煙，不久後全車陷入火海，焚起熊熊烈火。51歲姓梁男司機起初呆坐車內，之後在熱心人提醒及協助下及時逃出車廂，受傷清醒，由救護員送往將軍澳醫院治理。消防出動煙帽隊拖喉灌救，約半小時後將火救熄。

網上片段所見，事發後私家車安全氣袋彈出，男司機一度被困駕駛座，血流披面，有路經市民上前協助救人，急忙大叫「着咗火啊！快啲出嚟！快啲快啲快啲！」其後司機腳步不穩地走出車廂，再躺在石壆上痛苦呻吟。

受交通意外影響，西貢公路往西貢方向近清水灣道的部分行車線曾經封閉，上址一度交通繁忙。道路其後已解封。