【颱風山竹】大埔人有愛!停課校巴不停工 「義載」 街坊返工

撰文:
最後更新日期:

超強颱風「山竹」雖已遠離本港,但山竹帶來的後遺症仍困擾不少市民,全港塌樹處處、滿目瘡痍。工人漏夜鋸樹、修路,今日主要幹道和鐵路沿線已順利開通,巴士線大致恢復正常,惟部份路面尚未得到清理,市民出外依然困難重重。今早有網民在「大埔」群組上載照片及發文指,今早苦苦等候小巴時,一輛校巴突然駛至義載,令不少候車市民感動。原來適逢今日停課,校巴無須接載學生,有司機自發駛入未有巴士開通的地方,義務接載村民到火車站。

網民今早上載照片指,有校巴義載村民出火車站。 (Lam Lam Wong攝)

停課校巴義載 女司機逐站載人去火車站

該名網民指,他本來想要乘搭來往大美督及大埔墟站的九巴75K,惟該路線巴士今日仍未恢復行駛,故要等待小巴。豈知此時突然有一輛校巴駛至埋站,車上女司機即時喊話:「今日停課唔使返工,冇嘢做未揸㗎車入嚟囉!」網民於是馬上上車。網民更指,校巴女司機其後更「逐個逐個站」載人,直至整架校巴滿座,最終將全車人送出火車站。該名網民形容,乘客上車、落車均有多謝女司機。

網民要乘搭的75K今早仍然暫時服務。

網民:患難見真情

網民直指,今日學校停課,校巴女司機理應可以「訓多陣」,但司機仍然願意朝早七時駕車入村義載村民,直言愛心爆棚,「係咩驅使你可以休息都唔訓多陣入嚟義載啊?唔使問,係愛呀一定係!」不少網民留言「患難見真情」,更有網民留言相認,並指他亦有上車,當時「我搭嘅時候佢話走咗四轉啦」。帖文上載僅45分鐘,已有三千多個網民點讚。

網民點睇:

坐校巴去返工。。。你哋都算特別經典。。。
Mag-Ba Laplap
好多謝佢,我搭既時候佢話走咗4轉啦
Michael Tang
我頭先排隊時都見到架校巴呀!好有愛呀 巴士未恢復服務 希望大美督有揸車既居民 如果揸車出開大埔 去小巴站義載一下其他居民
Angel YT
雖然我今日喺唔使返工,但非常感激呢位姨姨,向姨姨致敬
Vivian Ku


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。