【藍潔瑛逝世】登門揭好友離世 阿Cat飲泣:佢對我笑一刻最難忘

最後更新日期:

藍潔瑛一生高山低谷,失落星途後,走入尋常百姓的屋邨生活。她浮沉半生,人生最後的數年光陰,在茶餐廳認識最後一名摯友。阿Cat不是她的影迷,只是一個普通街坊,把藍潔瑛當作朋友,詎料昨晚登門探訪,揭發其猝逝。阿Cat語帶哽咽,形容藍潔瑛是她見過最靚的藝人,「佢係一個心地善良,一個好人嚟,佢冇病冇癡!佢對住我笑的一刻,最難忘」,並慶幸與她認識,「希望藍小姐上到天堂係幸福,唔會好似今世咁,咁坎坷。」

藍潔瑛近年不時到教會,據悉是阿Cat邀請她出席教會。(視覺中國)

好友阿Cat從不問往事

藍潔瑛歷盡高低,近廿載淡出浮華奢靡的娛樂圈,走進屋邨過簡樸生活。踏入五十歲,她在茶餐廳認識了街坊阿Cat,兩人不談往事,只顧眼前,「做朋友,我從來冇問佢以前的事,新朋友就新朋友,佢做唔做戲都好。」

阿Cat﹕我用個心對佢

阿Cat將藍潔瑛當作知心好友,知道她獨自生活,於是常煮東西給她吃,也會登門探訪,「我又唔係演藝嘅人,我係一個平凡人,平凡人平凡心對佢,我用個心對佢,佢知㗎,所以佢畀我入屋,佢好信我。」

阿Cat登門揭發藍離世,據悉,當時警方不讓她入屋,她只好站在門外,向屋內鞠躬。(賴南秋攝)

「她是一位心地善良、誠實的女子」

昨晚未能聯絡藍潔瑛,阿Cat登門探望,驚揭摯友猝然離世,大受打撃,「真係好唔開心」。據悉,當時警方不讓她入屋,她只好站在門外,向屋內鞠躬。阿Cat飲泣地稱,藍潔瑛生前無病無痛,沒有精神問題,更形容﹕「她是一位心地善良、誠實的女子」、「她是我見的藝人最靚,佢對住我笑的一刻,最難忘。好甜……好靚。」並慶幸認識她。

阿Cat會幫忙打點藍潔瑛的身後事,「人都走咗,祝佢一路好走。可能今次走,佢舒服啲,佢去投胎,佢會好一啲。希望藍小姐上到天堂係幸福,唔會好似今世咁,咁坎坷。」

藍潔瑛一生坎坷,幸最後數年光陰有屋邨好友相伴,阿Cat亦慶幸能認識藍潔瑛。

友人楊曼莉:一個月前傾電話 藍咳嗽嚴重

朋友楊曼莉亦曾在藍的寓所了解,她指兩人認識廿多年,不時前來探望藍,最近一次是年初,兩人多約在茶餐廳見面,「唔肯畀我入屋企,唔信任人,唔想人知佢家中事,我都好尊重佢。」約一個月前,兩人曾電話聯絡,藍當時咳嗽嚴重,「呢幾年(藍)精神(狀況)好啲,冇諗到佢會突然之間……我都覺得好突然。」

回顧藍潔瑛一生:

+15
+14
+13


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。