【寶馬阻巴士】馬鞍山男拒出示駕照執照　你唔准抄我無牌駕駛！

▼疑阻路無帶駕照被查　男司機：「你唔准抄我無牌駕駛」

由網民上載至Facebook群組的片段所見，現場為馬鞍山利安邨巴士總站對開。據了解，警方因為車輛阻塞問題在場調查，駕駛中港車牌座駕的中年男司機疑在沒駕駛執照下開車，與警方發生口角。片中涉事男子坐於司機位與警員理論，情緒激動稱：「你唔准抄我無牌駕駛！」在場一名便衣男警及軍裝男警，由始至終均平心靜氣解釋執法因由，「駕駛時係咪應該帶車牌先？」惟男司機置若罔聞。

▼堅拒出示身份證　「我𠵱​家係唔畀你呀」

爭執期間，該名男司機強硬表態：「抄牌我畀你抄，但你話無牌駕駛我就一定唔會畀身份證你！」便衣探員則向他強調並非無牌駕駛，而是駕駛時沒有攜帶駕駛執照，男司機聞言又質問：「你點解要咁樣做法呀阿Sir？」並堅拒出示身份證，大條道理稱：「駕駛執照我咪返去攞囉！身份證喺度，我𠵱家係唔畀你呀！」警員即時反駁：「冇帶就係冇帶。」

▼阻路45分鐘　邨民：呢度香港嚟㗎，要守法㗎

由於涉事男子的座駕堵塞邨口道路，又阻礙巴士及車輛出入，惹起不少邨民不滿，圍觀者見雙方展開「辯論拔河」，拉鋸戰爭持不下，忍不住出口指罵涉事男司機：「阿叔呢度香港嚟㗎，要守法㗎，你頂住咗喺度九個字喇！」「日日都擺架車喺度阻住啲邨民！」「你有錢大晒呀？」而片段被放上網後亦引起網民撻伐，「講咁耐都唔合作，拉人封車阻差辦公，罪加幾等。」亦有人認為當時警方手段過份溫和。

警方則表示，昨晚約8時53分，接獲巴士車長報案，指於馬鞍山利安邨巴士總站有車輛阻路。