【11.20.理大】吸三日催淚煙帶離14學生 中學校長:唔會放棄!

撰文:朱雅霜 黃廸雯
出版:更新:

理大圍城第四天,校園內多名中學校長、教師游走,尋找自己學校學生。一名中學女校長為自己一名女學生進入「城」內,對方卻稱「唔捨得啲手足」避而不見,三日來,尋覓學生的同時,她「一個帶咗14個出去」,他們均受了傷「攰喇」,其間「聞咗三日TG(催淚煙)」,她指目前留守者更難勸離,不過「我哋係唔會放棄,係有曙光,有希望」,各界正在制度中「畀個Gap(給予空間)我哋救吓年青人,帶細路哥返屋企」。

理大仍有留守者。(黃廸雯攝)

學生「唔捨得手足」 中學校長三日赴理大

該名中學女校長忙碌地透過電話向家長聯絡交代情況,她淚眼婆娑表示,周一凌晨2時得悉一名女學生在理大,便與三名校長一同「入城」。當晚九時覓得學生,對方除下面罩說:「校長,我唔捨得啲手足!」又稱前去着其他人「落樓」,卻消失了兩天。其間校長未放棄學生,一連三天到場尋人,即使今日適逢結婚紀念日亦未缺席理大。直至今晚7時,終於有了新消息,其學生向其他學校老師敞開心扉,老師正着力遊說。

理大仍有示威者留守,一群中學校長、律師、議員等游說並協他們離開。(黃廸雯攝)

「我一個帶咗14個出去喇!」

三日間,校長亦成功說服14名留守者離開,「我一個帶咗14個出去喇!」成功因他們受了傷,感到「攰喇」。她指,不是留守者有不同的疑惑,師長盡量解惑,留守者雖想離開,奈何有不同旳考慮,例如「唔捨得手足」;產生了「戰火戀」生死與共;認為「我為咗正義入嚟,點解要孭罪走」,不願留下身分證;亦有人錯估形勢,以為會如中大「順利」離開。他們不看Whatsapp,不聽電話,斷絕聯絡。校長認為各界在制度中,給予他們空間帶年青人回家,「畀個GAP我哋救吓年人,帶細路哥返屋企,帶年青人返屋企」。

校園物資井然有條。(黃廸雯攝)

為教黑白、救年青人而堅持 適應環境尋獲希望

校長教書28年,交棒在職,「我全身貼滿撒隆巴斯,連舉手都有困難,呢幾日食唔落嘢,我都聞咗三日(催淚煙)」,卻仍「有火」堅持下去,「因為剩返我哋可以教今日嘅年青人、細路哥,如果是非黑白再唔去教,再唔救年輕人,冇人夠膽,佢哋(年青人)都好難聽入耳,我哋咁唔錫身,我哋自己都嚇親。」她第一天覺得理大戰火連連,但難得可以內進,所以不害怕,適應後感井然有條,「我哋喺裏面適應、生存,同時搵到希望」。

校園物資井然有條。(黃廸雯攝)

留守者冀聽法律意見

她感恩中學校長會、輔導教師協會、各議員及律師等團體協助年青人,由於留守者盼聽法律意見,所以「律師真係冇停過」。校長又指,他們不是Small potato(小人物),在自己範疇內發揮功能幫忙,「做得幾多得幾多」、「我哋係唔會放棄,係有曙光,有希望,咁多人肯入嚟,因為我哋相信有愛,相信希望」。

批評李家超「自首」者暴動論 令留守者拒離開

校長批評,保安局局長李家超今日稱近900「自首」者全以暴動拘捕的言論,原本正接受游說的三名留守者即時拒絕離開,「你出嚟講嘢有冇諗清楚?」