【錶行劫案】一個月內兩遇劫被襲 捱斬錶行負責人:往年好太平

撰文:魯嘉裕 余睿菁
出版:更新:

旺角發生錶行劫案,四名賊人昨(13日)闖入花園街一間錶行,掠去近200萬現金及逾60隻勞力士名錶,錶行男負責人雙手被斬傷。受傷負責人甘先生講述事發經過,事發時開夾萬疑因賊人嫌手腳慢捱斬,對比上月曾遇獨行賊以電槍襲擊,坦言今次「驚嚇啲」。對於近月旺角接連發生錶行劫案,甘指往年年尾都很太平,但最近較少警員巡邏,「無乜警察行Beat,咪壯咗佢哋啲膽」。

旺角花園街一間錶行昨日(13日)遇劫。(資料圖片)
負責人甘先生雙手被斬傷。(網上圖片)
+1

開夾萬被嫌手腳慢捱斬

被斬傷的負責人甘先生講述事發經過,當時四名年約20至30歲、操流利廣東話的蒙面賊人闖入店內,要求甘打開夾萬,其間左右手先後被賊人用牛肉刀斬傷,「當時有女同事在場,可能覺得我係唯一男同事,制服咗我先」,甘指賊人先斬傷其右手手指,其後疑不滿甘開夾萬時手腳慢,再斬傷其左手,並自行打開夾萬。甘指賊人得手離開,有街坊指一疊現金跌於門外叫他拾起,而賊人上車後,於路口被熱心市民攔車,然後棄車而逃,「之後好快警察都到」。

現時甘先生左手傷勢較嚴重,留下一個約3厘米長的刀傷,醫生指傷及筋部需要進行手術,但幸未有傷到要害。而右手僅受皮外傷,他預計明日可出院。而錶行於上月14日亦曾被獨行賊闖入,當時甘先生亦在場,被賊人用電槍襲擊胸口,其後幸保不失,過程不足15秒,「街坊見到已衝入嚟,佢見勢色唔對咪走」,上次僅擦傷,坦言今次「驚嚇啲」。

甘先生左手留下3厘米長的刀傷。(香港01記者攝)

指6月起少警員巡邏:壯咗賊啲膽

對於近月旺角接連發生錶行劫案,甘先生指同行中已聽過發生最少10宗劫案,「搶到、搶唔到亦有」,尤其於11月開始特別多,甘先生指可能年近歲晚,加上最近較少警員巡邏,「無乜警察行Beat,咪壯咗佢哋啲膽…好難叫佢哋(警察)行返Beat,可能佢哋都驚人身安全問題」。甘指往年年尾亦很太平,未有如今年劫匪猖狂,又指最近感覺店舖外時有出現「鳳姐」,以及疑似內地人於店外逗留一段長時間。甘先生指於上次遇電槍賊後,店舖已由「門常開」,改為由店員開門及換上較堅固的門,惟今次因事發前有顧客開門離開,不幸被賊人乘機闖入行劫。甘指未來會研究加設如當舖般雙重門的設計,短期內亦不會開門。

你可能感興趣