【有片】疑為浪澄灣新盤爭客　十經紀街頭爆粗持械大混戰

奧運站浪澄灣近日推出新一批單位，吸引不少睇樓客到場參觀之餘，亦有大批地產經紀「搵食」招攬客人。今日下午於樓盤對出的街頭，即海輝道8號對開，一班地產經紀疑因爭客大打出手，途人拍下片段，其間有人大叫「X你XX！」片段可見共約10人圍毆一名男子，之後又有雙雙對打，亦有男子手持棍狀物追打，場面誇張。

有人於下午4時15分報警，指被約10人以硬物擊打。警員及救護員到場後，將一名20歲姓陳的男子送院治理，他頭部受傷。陳男其後亦被警方拘捕，案件列作在公眾地方打架，交由旺角警區刑事調查隊第五隊調查。