網上流傳一段車cam影片，顯示拍攝於今日（19日）上午10時許，當時車cam車輛正沿獅子山隧道管道的右線、往大圍方向而行，前方有一輛掛有兩地車牌的七人車。兩車依次循駛出隧道口後，七人車忽然在路中急停，扭向左線切線。車cam車輛見狀及時急煞，幸未釀成車禍，有網民批評「隧道口玩急停，累死後面嗰個」。

影片引起網民熱議，認為片中七人車司機的駕駛態度有問題，或已涉及不小心駕駛，呼籲片主應向警方交通部投訴，「希望片主唔好嫌麻煩，一定要作出投訴，危險駕駛者一個都不能放過。」、「1823，請不要放過」、「影子線都照cut ！果真係大地任我行！」。

有網民對情況感詫異，估計七人車司機不熟路，「嘩～～～～佢係唔係咁大個仔第一次行獅隧？」、「佢做乜……佢行邊條線都係大圍方向架（㗎）啦」；有人懷疑七人車司機是否國內人士，誤以為自己逆線行車而急忙切線，「九成棍頭（國內）司機，唔識路驚自己逆線」、「唔知自己逆線嘅見得多， 以為自己逆線嘅真係第一次見」。