有片｜東涌球場兩童拉扯　14歲仔遭撻生魚撼頭拳打腳踢　警緝同窗

東涌發生青少年打架案。今（7日）晚約7時49分，警方接獲一名女途人報案，指傍晚約6時40分，滿東邨滿信樓對開一籃球場，有兩名男童打架。救援人員趕抵發現一名14歲男童面腫受傷，由救護車送往北大嶼醫院治理。警方正追緝其一名同齡男同學。

網上瘋傳事發影片，可見一名灰衫男童、與另一名藍衫男童，在籃球場內捉住一塊球拍互相拉扯，旁邊有數名男女童「觀戰」。未幾，灰衫男童開始捱打，先遭對方箍頸「撻生魚」落地，再被撳於地上撼頭。雙方站起後繼續糾纏。

灰衫男童一度揮拳還擊，打中藍衫童臉部，有人隨即怒極不停向灰衫童拳打腳踢，並捉實其頭部狂毆數拳，之後將他推向牆邊壓住近30秒。片末，旁邊數名男童始上前阻止，將他們分開。

片段引起網民熱議，有人指「依家啲學生真係痴線！」、「好狼死！」，亦網民籲片主要報警處理「要報警, 用法律警戒佢同佢父母, 否則遲早打死人！」亦有人斥附近路人對事件漠不關心「冇人理，冇人勸交。」