有片｜赤柱校巴切雙白線逆線爬頭險撞對頭車　網斥：成車學童都咁

網上瘋傳一段車cam影片，顯示今午（10日）約3時半，一輛城巴在赤柱峽道埋站上落客，詎料尾隨一輛車身印有「學校私家小巴」的19座橙黃色校巴，竟越雙白線切過對面線，逆線爬頭；幸千鈞一髮之際，對面線駛至的片主及時收慢，校巴亦切回原線，才不致迎頭相撞。片中可見，校巴上載有兒童，兩車最近時不足一個車位擦過，情況驚險；而其他車輛則在城巴後方停下，耐心等候。

片段引起網民一面倒撻伐，不少人炮轟「成車學童都咁拼搏？！」、「彎位+雙白抽頭，呢個司機都真係要停牌先得！」、「這司機應終生不能駕駛校車！」、「學童父母都唔知自己仔女坐緊架危機（險）車輛」、「有冇諗過班小朋友？」亦有人上載截圖，指已經就事件作電子報案。