灣仔港灣道鷹君中心對開今日下午發生交通意外，一名52歲姓曾女的士司機，過馬路取車期間，被另一輛的士撞倒，並捲入車底。在場多名途人合力抬起的士將傷者救出，其中一名出力抬車的途人憶述經過稱，有人大叫：「叫啲男人托高架車，十幾個男人。有人拉佢（傷者）出嚟，然後用遮遮佢。」

有份抬車救人的朱先生在場稱，聽到「『呀』一聲，有啲人出嚟，知道有人夾喺車底。大家叫啲男人托高架車，十幾個男人，喺車頭位置。佢（傷者）個膊頭應該（被的士）壓到。有人拉佢出嚟，然後用遮遮佢，因為熱同曬呀！」未幾消防車和救護車相繼到場。

朱先生續稱，其中一名男途人抬車期間甩鞋，一隻鞋也夾在左前胎下。朱先生形容，傷者叫聲很大：「三份一個身，個膊頭畀車壓住。當時都唔知嚴唔嚴重，（傷者）出嚟嗰陣係清醒。」他估計涉事車速應該唔快：「成條車龍，應該好慢。」但傷者為何停車落地則不得而知。

消息稱，女傷者當時過馬路準備取回其的士，另一輛駛至的士收掣不及，將她撞倒。消息稱，女傷者被困車底，在場逾十人合力抬車將她救出，亦有人拉開一塊布為她遮陰。

警方表示，70歲姓孫的士男司機駕駛一輛的士沿港灣道西行，當駛至上址時，懷疑撞倒正在過路的52歲姓曾女子，傷者一度被困車底，由途人救出，清醒被送往瑪麗醫院治理。