今早（8日）正值「塔巴」八號烈風或暴風信號生效期間，薄扶林道發生交通意外，網上流傳一段車禍片段，惹起網民熱議。片段所見，一輛私家車沿薄扶林道上斜行駛，至近士美菲路交界位置時，左線一輛黑色Tesla突然在路口右轉，私家車受掣不及，車頭直撞向Tesla車身，私家車衝勢未止，直衝向對面行車線逆線。

有網民留意到，涉事Tesla所行駛的左線、其路面道路標記顯示只可以直行或左轉，「佢轉乜鬼右，睇線只可直去或轉左」、「T車條線一係直去一係轉左…但…佢轉右？」，有人直指該司機駕車有多處失誤，「燈都唔打」、「一手軚U-turn⋯但唔望鏡」、「想u 但唔靠右線 」。另有人關注在八號風球下車輛是否受保，「8號風好似唔賠第三保」、「車主須採取一切合理步驟以防受保汽車損失或毀壞等等，打咗咁耐風仲揸出街，哈哈。」

警方於今（8日）早9時許接獲車禍報告。意外中，被撞姓蘇的私家車男司機（29歲）報稱腰痛，涉事Tesla的女乘客（28歲）腰及手腳痛，兩人被送往往瑪麗醫院治理。