網上今日（11月20日）瘋傳一段驚險駕駛影片，可見一輛19座位橙黃色校巴，原本沿渡船街駛往葵涌方向。惟途至近豉油街對開分岔路時，司機疑發現行錯路，即由左邊行車線「急轉彎」，近乎90度右轉橫亘路中，連切白色實線和影線後，轉回分岔路右邊前往大角咀、旺角及深水埗方向的行車線，幸尾隨車輛及時收慢，不致釀成意外。

片段未有交代時間，校巴上未見有學童，網民慶幸之餘，同時一面倒撻伐校巴司機，「萬一坐滿人就成車人命嚟㗎」、「我係家長睇見都好擔心啦」、「隔離有車撞埋去一定散」；亦有網民認為要報警處理，「一定要交畀警方，呢啲校車司機亂揸車，唔知將來會害幾多個家庭！」、「請交畀警方，如果坐滿小朋友出事就大鑊！」、「唔想下次睇新聞係寫呢部車反車意外！」