今日（17日）網上流傳一段驚險的車cam片段。根據車Cam顯示，事件發生於1月18日下午，拍片者剛駛至一個交通燈口，因應紅燈停車等候，當時左邊行人路有一名男途人正準備橫過馬路，惟在他踏出一步之際，一輛新界的士沿左線高速衝紅燈駛過，險撞到男途人。影片上載者留言：「（男途人）差少少無命。」

新界的士衝紅燈行為惹起網民一面倒責罵，不少人建議帖主報警舉報：「一定唔可以放過呢啲人」、「請為民除害報交通，差啲害死一條人命，一個家庭破碎」、「有人都衝，如果係小朋友或者心急嘅行人，咁就又一單死了人嘅交通意外，請片主幫幫大家，做佢。」亦有不少網民感嘆場面驚險「呢個速度，唔死都斷腳」、「好險呀，真係死神來了」。