今日（21日）上午一輛城巴在屯門公路出九龍、深井碧堤半島對開疑「自炒」撞欄，10名乘客受傷，涉事車長即時被巴士公司暫停駕駛職務。有乘客形容巴士「好飄，飄咗一段時間，（車速）快咗少少，即刻帶安全帶，帶咗半分鐘唔到就撞欄」。

乘客阮小姐坐巴士上層第三行，事故中她沒有受傷。她形容當時巴士在深井一段路S形行車：「好飄，唔係一陣間，飄咗一段時間；而且快咗少少。我好驚，即刻帶安全帶，帶咗安全帶半分鐘唔到就撞欄喇！」

她續指，巴士司機精神狀態正常：「佢講說話，問啲乘客有冇事係清晰嘅；但我問佢係咪巴士有事，佢無回應。」她表示巴士並非滿座，上層只有一半乘客，撞欄後大家都失聲呼叫，有人要求落車。

涉事城巴952P開往銅鑼灣，巴士門框變型，擋風玻璃碎裂，多塊玻璃窗粉碎，散落座椅上，有乘客倒在車廂等候救援。多名救援人員登上巴士，協助乘客逐一落車，其後將傷勢分流，經包紮後送院；初步有10女1男要送院治理。沒有受傷的乘客，由另一部巴士接載離開。