今日（1日）早上將軍澳環澳路有重型貨車「甩轆」，車胎沿路面衝行打中私家車，導致司機受傷送院。網上車CAM可見，車胎沿路飛彈逾30米，迎面打中私家車擋風玻璃及車頂，再飛彈墮地，非常危險。網民紛紛留言，替私家車司機擔心。

警方稱，今日早上10時26分接報，將軍澳有重型貨車車胎鬆脫，打中私家車。51歲姓李私家車司機手部受傷，送將軍澳醫院治理；貨車司機姓楊66歲。

由車CAM可見，車行方向是環澳路往將軍澳跨灣連接路，一個車胎突然由相反方向飛彈過來，衝行超過30米，打中停燈位的一輛私家車擋風玻璃及車頂，再跌在地上。由於事發前有最少3部重型貨車經過，由車CAM中未能判斷「物主」誰屬。

網民紛紛替私家車司機緊張：「睇住⋯⋯個轆⋯⋯轆緊⋯⋯轆埋黎⋯⋯？！就中⋯⋯中左⋯⋯」、「個軚仲要彈起扑到正」、「陀飛輪」。