網上流傳一段驚險車Cam片段，顯示一輛綠色專線小巴在一個彎位轉彎時，懷疑因路面情況或車速問題跣胎「甩尾飄移」。危急關頭，幸好司機反應迅速及時救車，最終有驚無險順利過彎，未有釀成交通意外。片段上傳者亦讚揚司機好身手：「有啲料到。」

從社交平台流傳約12秒的影片可見，事發時間為晚間時分，當時該輛綠色專線小巴沿沙田廣善街行駛，隨後右轉入小瀝源路。當小巴駛至帝堡城對出的十字路口彎位時，懷疑後轆突然跣胎，入彎時出現明顯「甩尾飄移」。幸好司機反應敏捷即時修正車身，最終成功平穩入彎，之後可以繼續正常行駛。

片段曝光後，迅速引來大量駕駛者及網民熱烈討論。片段上傳者讚揚司機好身手：「有啲料到。」網民亦大讚該名司機反應，「呢位司機手車知道架車開始甩尾，即時反應去反軚」、「飄得靚之餘又救到部車」；亦有網民留言提醒，雖然司機最終化險為夷，但行車最緊要安全第一：「總之小心駕駛唔好害人」。

不過亦有網民指上址彎位其實容易發生意外，直言：「呢個彎位落雨再加埋少少油就會好跣。」