貨車飛天　工人落貨尾重頭輕升高

貨車車頭離地升高，你見過未？網上昨晚流傳兩段短片，一間送貨公司的密斗貨車，停泊在香港仔路邊，貨車離奇地升起，車尾尾板貼地，狀似一飛衝天樣子，斗內還有一名男子用唧車正在將一板貨運落地，令人嘖嘖稱奇，有網民懷疑貨車尾重頭輕，亦有心水清網民認為唧車上的一板貨過重，釀成今天意外。

該短片昨晚7時許流出，現場於黃竹坑業勤街，片中一輛貨車離地升起，途人經過均目瞪口呆，附近地盤工人紛紛警告：「唔好行埋去」，拍片者說：「成架車彈起咗」。另一段片竟見車斗內，一名穿紅白藍色外套的男子扶實旁邊門邊，望着尾板上的貨物不知所措，拍片者問：「乜嘢料呀？」

有網民笑稱，「呢啲正宗頭輕尾重」，亦有網民指，「一包25k，一板起碼40包，點會唔重呀?」、「其實呢啲事好常見，落返尾板咪得囉」、「其實真係傻仔，放低唧板，咪唔會起頭」。