MIRROR演唱會｜花姐致歉籲離場　觀眾叫罵：太離譜喇！日日都係咁

MIRROR紅館演唱會今晚（28日）再發生意外，晚上10時許，場內一部電視由高處跌下，兩名舞蹈員被壓中受傷，清醒送往伊利沙伯醫院救治。另外有一名女觀眾同被送院治理，及兩名女觀眾報稱受驚不適。

有片段拍得事發後Mirror經理人黃慧君（花姐）登上台，宣布演唱會發生大型意外，呼籲觀眾有秩序離場，並鞠躬向觀眾道歉，有觀眾報以掌聲，惟亦有觀眾不滿並激動向花姐叫罵「我唔會原諒你呀！」，花姐其後表示「今日大家嘅門票，我應承大家我哋會處理，我應承大家我哋會安全處理個Show，希望大家宜家慢慢有秩序離場先」，觀眾又再大叫「唔係錢嘅問題呀！你仲講安全，太離譜喇！日日都係咁！」