深水埗街市宵夜混戰　食客「剝花生」圍觀

今（29日）日網上流出三條短片，題為「宵夜就宵夜 宵到打交 幾十歲人都唔化」，片中一名男子在食店遭人圍毆，擸凳、掟雜物、拳來腳往，火藥味十足，大群食客圍觀起哄，笑着剝花生，卻沒人加以勸阻。

該三條短片於fb群組流出，片段開始即見現場有幾張枱，樓底極高，似在食店位置，片中一名平頭裝男子成為眾矢之的，遭人圍毆，一名紅衫大漢舉起坐凳狂扑，另一彪炳黑衫漢按住平頭裝男子頸部，怒氣沖沖理論，未幾一名黑色背心漢行近揮拳就打，惟地板濕滑幾乎跣低。

另一條片則見兩名男子被四、五名大漢圍觀，在場不少食客只顧看熱鬧，沒人上前勸阻。據了解，事發於深水埗北河街街市三樓熟食中心，當時宵夜期間因故爭執，結果發生毆鬥事件。網民對事件議論紛紛:「又係人多打人少」、「打人嗰班係咪飲醉酒」、「君子動口算了」。