網購攻略

《本週之最》第1位:智能升降電火鍋¥299 唔使再怕肥牛變老牛!

撰文:陳小昭
出版:更新:

小編定期會同大家分享每週唔同嘅至抵買產品,務求大家可以喺最抵最好嘅時機買到性價比極高嘅好物,做個精明醒目嘅消費者!

趁住淘寶年貨節有好多商品仲做緊優惠,小編就一次過喺淘寶搵咗三件激抵又實用嘅好物同大家分享😍

🔻本週之最 第1位:智能升降電火鍋 券後價¥299🔻

智能升降電火鍋 券後價¥299

小編最近發現咗呢個智能升降火鍋,睇落超級過癮!平日打邊爐成日都會將食材同湯底撈埋晒一齊,到想搵淥熟咗嘅食物就好似大海撈針咁,茫茫火鍋裡,肥牛已經不知去向,蟹棒又淥到散晒,真係十分掃興。於是有邊爐達人就研發咗呢個升降電火鍋喇!湯底嘅材料同食物以升降嘅盤分隔,只需要撳一個掣,就可以將煮熟好嘅食物自動升起,分隔湯底,夾餸就方便好多啦!

火鍋同爐係一體式,300-1500w火力隨意調較。而且電磁爐內置壓力保護防乾燒功能,當煲入面唔夠適量水嘅時候就會自動斷電,以防意外。最犀利就係呢個電火鍋除咗可以用嚟打邊爐之外,仲可以仲嚟煲粥煲湯,而同時間仲可以利用升降盤嚟煎糕點!一個廚具擁有多功能用途,超實用之選!

外觀:★★★☆☆
實用性:★★★★☆
安全性:★★★★☆
性價比:★★★★☆

👇撳下圖即睇產品詳情👇

🔻第2位:化妝掃清潔神器 券後價¥70🔻

化妝掃清潔神器 券後價¥70

有化開妝嘅妹豬相信同小編一樣都面對一個世紀級嘅難道,就係洗掃真係好麻煩啊!為咗唔想爛臉,化妝用具一定要勤力洗,因為用一次已經可能沾滿咗細菌!但係個個禮拜洗掃又要等佢乾真係好麻煩,除咗買多幾套化妝掃替換,仲有咩辦法解決呢個難題呢?於是小編就搵到呢個喺化妝界堪稱「洗掃神器」嘅好物喇!

呢個神器一set有8個矽膠套,適用於唔同大細嘅化妝掃。使用方便好簡單,只需要將矽膠套套住化妝掃嘅掃柄,放入倒好清潔液嘅容器,再開動洗掃神器,佢就會自動高速轉動,幫你洗走晒掃上面嘅殘留化妝品!如果個掃有千年塵埃的話,只要更換清水重覆步驟洗多兩次就搞掂。乾淨咗之後仲唔夠,將掃喺溶液拎出嚟可以再開動洗掃神器,咁就可以幫你再高速揈乾晒啲水喇!包保幾分鐘搞掂。

外觀:★★☆☆☆
實用性:★★☆☆☆
安全性:★★★★★
性價比:★★★★☆

👇撳下圖即睇產品詳情👇

🔻第3位:一炮通管道疏通器 ¥69起🔻

一炮通管道疏通器 ¥69起

嚟到最後一樣要介紹嘅產品喇,呢樣產品實用性爆燈,因為每個屋企都需要用到!佢就係一個萬能嘅通渠神器喇!平日廁所﹑浴室﹑洗手盤塞咗,真係世紀級煩,因為冇人會想用手去清潔堵塞咗嘅渠㗎!真係諗起都怕,條渠去水越來越慢,但大家內心只想默默地視而不見..... 🤦🏻‍♀ 小編絕對明白呢種心情。所以,每個人屋企一定要有呢個通渠法寶!

唔使搵通渠佬唔使用手伸入去執頭髮,你只需要一個一炮通管道疏通器!呢個通渠神器可以產生0.4Mpa氣壓,相當於4kg/cm2嘅壓強,可以帶動管道入面嘅積水,產生強勁壓力沖走堵塞物。通渠神器機身仲有氣壓儀表供檢視,可以自行根據疏通需要,選用適當氣壓。以後有咗呢個通渠神器去廁所都去得自在啲啦!

外觀:★☆☆☆☆
實用性:★★★★★
安全性:★★★★★
性價比:★★★☆☆

👇撳下圖即睇產品詳情👇

(產品資料以官方最新發佈為準,價錢最後更新至2020/01/14)


你可能感興趣