拜年仲送雜餅禮盒咁老土?4款台灣直送港日聯乘禮盒 特別又有心思!

網購攻略
網購攻略
撰文:
最後更新日期:

望下月曆,數數手指,仲有唔夠一個星期就到農曆新年喇!拜年係每年新年嘅指定環節,無論係去長輩屋企拜訪,去朋友屋企團拜,定留喺自己屋企接待朋友,總少不免要準備定賀年禮物。咩話?你仲未準備?唔緊要!今期肥妹開箱就為大家喺網上搜羅咗4款嚟自外地,市面少見,而款式又夠特別得體嘅新年禮盒!大家唔使左搵右搵,唔使去超市逼,坐定定睇完片就知道有乜好買!

新年送禮就最講意頭,想大吉大利,氹得長輩歡歡喜喜,最首要當然係先避開送禮禁忌!新年千萬唔好送鐘同送傘應該大家都知,事關「送鐘」同「送終」同音,而送傘亦都有離散之意。除此之外,新年仲切忌送梨,因為梨又有分離嘅意思,記住之後就絕對唔會踩雷啦!

不過香港人基本上十有八九都會選擇送禮盒,聽落雖然係好隱陣,但其實暗地裏都隱藏住唔少地雷位!就好似片中提到嘅藍X曲奇、金X朱古力樂相信大家都收到厭。除此之外,X家杏仁糖,同嘉X雜餅,以上統統都係網民表示最唔想收到嘅新年禮盒!如果自問自己都唔想收到呢幾款禮盒,就將心比己,花啲心思揀下款,親戚朋友見你咁有心機,利是都隨時畀多幾封!

1) 回味 X 中村藤吉 - 傳統手工雞蛋卷(抹茶及焙茶味) HK$168

蛋卷一向都係送禮禮盒中嘅傳統選擇,但市面常見嘅多數都係傳統口味。今次就為大家搵嚟日本京都老字號抹茶店「中村藤吉」,同以製作傳統手工蛋卷出名嘅「回味」,聯合出品嘅茶味蛋卷。

抹茶味食品最驚就係會因為抹茶味太重而變得好苦,又或者會有啲牌子會加大量糖令到佢變得好甜,不過中村藤吉始用嘅抹茶同焙茶粉始終都係嚟自京都,而且有多年嘅抹茶餐點經驗,所以味道方面都平衡得唔錯,一盒入面包含4包抹茶及焙茶味蛋卷,小分量獨立包裝,唔怕食到尾嘅時候已經唔脆,非常細心,值得一試!

2) 微熱山丘 - 平安旺來餅 HK$260

微熱山丘作為近年來非常出名嘅台灣手信,受歡迎程度自然唔使多講。今次呢款禮物入面就分別有旺來餅同平安餅兩款口味,其中旺來餅就接近平時食開嘅鳳梨酥,不過就再加入咗奶黃餡,食落清甜又唔會太膩。而平安餅嘅內饀就以糖漬嘅日本青森縣紅玉蘋果,再融合果粒與果醬而製成,用料天然高質,食落啖啖果肉,鍾意食蘋果批嘅人應該會幾鍾意食。

3) 青鳥旅行 - 金漾春暄 HK$168

青鳥旅行同樣都係嚟自台灣嘅品牌,雖然以常見嘅蛋卷而聞名,但因為用上咗獨家做法,並喺蛋卷入面加入大量餡料,所以唔止受到當地人熱捧,更加係唔少人去台灣旅行後嘅手信之選!香港暫時仲未有官方途徑可以買得到,若然新年送出手,就顯得更有心思同誠意啦!

禮盒入面總共有四款口味嘅蛋卷,分別係青鳥最出名嘅原味肉鬆蛋捲海苔味肉鬆蛋捲,以及芝麻餡花生餡嘅蛋卷,同樣都係細心嘅獨立包裝,加上有咸有甜,一家大細齊齊食,總有一款啱口味!

4) 阿聰師 - 流心小芋仔 HK$148

繼鳳梨酥同蛋卷之王後,最後一款為大家挑選嘅都係嚟自台灣嘅品牌——阿聰仔,呢個品牌最擅長出品傅統糕點,其中芋頭酥更加係國宴指定點心榮獲台灣「全國幸福點心創意競賽」第二名。送禮嘅時候同對方講,連國宴都係食呢款點心,霸氣同派頭完全出晒嚟!

小芋仔,其實就係流心內餡嘅芋頭酥但酥皮入面除咗有芋泥,仲同時加入埋麻糬同奶黃流心,未食都已經感受到口感有幾豐富!阿聰師就教大家,只要將小芋仔放入170度嘅焗爐焗3分鐘,就可以食到最完美嘅流心效果。就算冇焗爐,相信用微波爐叮都一樣得!有老人家最愛嘅傳統糕點,又有年輕人鍾意嘅麻糬同奶黃口感,無論送俾長輩定係朋友都唔會失禮!

🔻年貨賀禮入手小撇步🔻

雖然介紹嘅禮盒都係外地嘅品牌,但其實𠵱家科技發達,唔使飛去當地,只要上網都一樣買得到!只要撳入連結,就可以買齊以上四款禮盒,假如你係新用戶,首張訂單買滿HK$500,仲可以有高達HK$100 折扣

新年禮盒按此連結

時間無多,想今個新年逗多幾款大利是,就快啲為拜年做足準備喇!

(產品資料以官方最新發佈為準,價錢最後更新至2020/01/20)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。