《嚦咕嚦咕新年財》Netflix 賀歲熱播 當年杜琪峯韋家輝誰主導?

撰文:
最後更新日期:
+33
+33
+33

新春期間,Netflix 熱選電影竟然是19年前賀歲片《嚦咕嚦咕新年財》,連續數天列入十大,更曾高佔榜首,引來網上討論,例如:電影由杜琪峯、韋家輝聯合執導,到底由哪位導演主導?Facebook專頁「午夜翻牆」有深度討論,參與者有著名作家,亦有影迷——

我覺得這套明顯是韋家輝的主導比較多。
喬靖夫
wiki的紀錄說二人共同執導, 那幾年《瘦身男女》《百年好合》也都如此。咁杜sir拍喜劇都好得
午夜翻牆
感覺杜sir用鏡頭講故仔嘅風格係嚦咕嚦咕唔太明顯,對照返《我左眼見到鬼》、《喜馬拉雅星》,應該係韋家輝發揮多
Thor Chan
我這麼認為,主要不是因為是喜劇,而是那種以人物的極端性格,作象徵去說理的風格,是韋家輝(團隊)最拿手的。這套跟《最愛女人購物狂》,基本上像姐妹作。
喬靖夫
所有杜韋合作嘅戲,大部分時間韋家輝都唔喺拍攝現場,佢只會留喺屋企寫劇本,靠游乃海將劇本攞到現場去同杜琪峯溝通點樣拍。所以從攝製角度嚟講,所有戲都係杜琪峯主導。
Patrick Chan
神探係例外, 杜韋兩人都經常係現場
Peter Kong
如果係杜韋二人打正招牌合導嘅電影, 基本上主導者都係韋家輝, 呢堆電影杜琪峰都係偏向執行者嘅角色, 將韋家輝嘅構想盡其所能拍下來。好多年前已經有人問杜琪峰比較滿意自己邊幾套片, 佢揀親都係冇韋家輝擔任主創嘅電影包括柔道龍虎榜/鎗火/PTU/放逐/文雀
Ben Kok
睇銀河映像班底啲訪問,但凡有韋家輝嘅戲,杜琪峯基本上唔過問題材同劇本,總之每日收到幾多劇本就照拍,杜琪峯唔明就問游乃海,游乃海都唔明就打電話問韋家輝。好似嚦咕嚦咕,拍攝組頭幾日完全唔知套戲講乜,只知日日都打麻雀。
Patrick Chan

上述討論仍然持續下去,看來答案呼之欲出?

不經不覺,《嚦咕嚦咕新年財》已經成為香港經典電影,經典對白亦成為香港人經常引用的名言名句。從「人品好,牌品自然好」的品德教育,到勵志熱血「越係爛嘅牌就越要畀心機打」,到底是誰想出來的呢?編劇名單有韋家輝、游乃海、歐健兒,且看最近火紅的「杜Sir 提你今日做得未夠好」專頁有沒有杜sir親身回應了。

【延伸閱讀:經典畫面|今年賀歲電影重播哪一齣 懷念藝人重溫最熟悉情節



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Microsoft Edge 或 Safari。為避免使用網頁時發生問題,請確保你的網頁瀏覽器已更新至最新版本。