【師奶有嘢講】親子遊終極挑戰　有阿媽想帶3個月BB去沖繩浮潛？

傳媒人健吾在Facebook分享了一幅來自「朋友Ｋ小姐」的圖片，圖中有人問網民有沒有帶三個月BB去沖繩浮潛的經驗，潛水公司會否有託兒服務。網友一面倒鬧爆這個新手媽媽，當中更有網友抵死留言：「希望個細路可以平安長大」、「 Iq唔過100唔俾生仔」。雖則近年興起親子遊，不同種類、形形式式的也有，但帶3個月BB去浮潛，真係誇張咗啲，大人BB都辛苦，咁何必呢！

近年沖繩是親子遊熱門的旅遊點，而著名的青之洞窟浮潛更是必到的行程，其實在當地，親子浮潛的確是相當普遍的活動，但大部分提供浮潛活動的公司，也只會接受2歲以上的小朋友參與，其實所謂的浮潛，都是坐着水泡跟父母一起在海中觀賞水底的魚及餵魚。

不過當地的服務亦相當貼心，有部分浮潛公司更會提供託兒服務，若小朋友年紀太小又或不敢玩浮潛，可以留在託兒中心，由職員負責照顧，而對象為6個月至9歲兒童，爸媽完全不用擔心小朋友，安心享受浮潛樂。由於託兒服務的對象必須是６個月大或以上，相信那位貪玩的媽媽，要多等3個月，待BB半歲大才可以去浮潛。