【職業治療師媽媽】兩個孩子的Crazy play──「雪」戰│愉儀
編按：愉儀，是一名全職職業治療師，亦是育有兩名仔女的媽媽。早前她分享了一個遊戲，如何令相差5歲的兩個孩子也適合玩耍；一個有趣的家務遊戲，還有如何鍛鍊小朋友手仔學執筆寫字。今次她分享了兩個寶貝的創意遊戲。
【編按：職業治療師媽媽│愉儀】
我們在負面教育下成長 但要學懂不要時常say no
有沒有發現我們（家長）很多時都say no，尤其對小朋友更甚，「唔好摸，好污糟；唔準爬上去，好危險；唔食得，會死死；唔去得，要溫習」等等，總是充斥住負面訊息，我也不例外，我整日提自己不可以這樣，但都還是忍不了，連提醒自己時都是較為負面，只怪我們由細到大都在負面教育下成長。
幾經努力，我慢慢學習「玩嘅時候乜都得」，有時我的朋友嫌我玩得太crazy，我有時都覺（傻笑中），但你們試過之後，會發現小朋友有的是開心快樂，也會發現小朋友創意無限，思維創新淸晰，這樣他們玩得太crazy也就值得啦！
最近我家兩寶貝設計了一個crazy 遊戲，可以分享俾大家：
大家有沒有發現小朋友最愛玩紙巾，一歲玩抽紙巾，兩歲玩撕紙巾，三歲玩搓紙巾，跟住就卷紙巾、摺紙巾、油紙巾等等，玩到六七歲都唔嫌，其實有沒有想過何解呢？你會阻止嗎？
其實小朋友從日常生活中不斷摸索同模仿大人的舉動，你自己有無數過自己一日抽幾多次紙巾，用幾多張紙巾呢？某程度上，小朋友見到大人好多時從紙巾盒抽紙巾，他感到很有趣，為何大人要做此舉動，所以他亦想操控自己身體去模仿，而他能夠模仿這個動作，代表他正在建立認知能力，而且在此活動中學習因果關係，也鍛練小手肌及身體協調，所以可以嘗試給予機會他們成長。
可能你會想，「講就易，咁搞法，多多紙巾都唔夠用，又浪費又唔環保，真喺過唔到自己個關」，其實抽紙巾只是第一步，小朋友可以這個活動無限發揮。
二人的「雪」戰玩法：
細寶抽紙巾出來，大細寶一齊撕紙巾，當然大寶可以撕得更細，然後當雪灑，細寶可以追蹤紙巾去向訓練眼球，大寶會思考不同的灑「雪」方法，而且也會利用現有玩具合併成一個新玩法，大寶也利用家中的吹氣大象噴上天花，營造更逼真的落雪效果。
再齊齊整再造紙或……
當然大家都不想「執餐死」，玩完之後可以請大細寶剷「雪」，今次不用掃帚，可用紙巾盒剪成紙掃帚及一張長方形咭紙就可以使他們幫忙清理，而紙碎就可以嘗試浸泡成紙漿，玩再造紙；不做再造紙，可以搓成大紙球當波踼，一物多用，大細寶都滿足到。