【親子旅遊】郵輪真係咁好玩?六日沖繩之旅真實分享│田媽玩樂誌

撰文:
最後更新日期:

暑假期間,田媽帶了Justin上郵輪玩。當人人都講上郵輪有幾好玩有幾多嘢玩嘅時候,不如田媽就講一講上郵輪玩真實會遇到嘅情況同有咩地方要注意,等有心想去郵輪嘅朋友仔有個心理準備。

【編按:作者為田媽】

田媽8月頭帶住Justin、田公公、田婆婆參加6日5夜沖繩之旅,原本諗住舒舒服服去渡假,點知由未上船就已經不斷出現驚喜(驚嚇)位:

1. 排隊check-in時,田媽發現自己被國內大媽重重包圍,10個旅客,9個係國內護照(往後幾日會係點,你大概估到)。

2. 船上包含嘅免費食物,如主餐廳同自助餐,都係超級難食。自助餐仲要自己搵位,帶住老幼,真係好麻煩。午餐時間仲要好似「屍殺列車」咁,真係增廣見聞。

3.諗住上到船就好似去Resort咁游吓水,落到水Justin叫我潛水,點知一潛就出事,原來泳池水係海水!明明我聞都濃濃嘅漂水味,點解會咁㗎?真係非常鹹。

4. 如果你好憎排隊,真係要三思!check-in排、食飯排、玩要排、溜冰排、睇show排、落船排。

5. 船上有wifi,不過要俾錢,$30美金一日。

6. 餐廳樓層嘅公用廁所非常污糟,阿仔仲問:「點解地下有朱古力?」

7. 船上有跳舞活動,田媽終於見識到幾百個大媽跳大媽舞。

+2

不過,除咗以上驚嚇位,船上都總有一啲令人enjoy嘅地方:

1. 田公公有先見之明,知道免費餐有伏,一上船就買咗dining package,最平約港幣$200一餐,不過係酒店嘅質素,CP值超高。

2. 因爲船上wifi太貴,田媽意外地有2-3日與世隔絕,可以放下手機,好好陪伴屋企人。

3. 我哋十分幸運,遇上好天氣,可以睇星、睇銀河、睇日出、睇日落。

4. 船上係有托兒服務,有姐姐同佢玩吓遊戲,大人可以真正去放鬆一下。

田媽亦同大家分享一下事前準備:

1. 一般旅遊保險係唔包郵輪,所以田媽出發前1-2星期就上網買咗郵輪保。

2. 沖繩的岸上行程有2日1夜,有需要嘅話,事前可book定包車或租車。

3. 買定沖繩可上網嘅電話卡

4. 房內冇牙膏牙刷等用品供應,雖然問housekeeping可能會有,但最好都自己帶定,尤其是以下用品:沖涼三寶、棉花棒、梳。

至於沖繩岸上行程,我哋冇包車或租車,全程只靠的士同monorail。

Day 1 - 我哋落船時間係下午3時20分,排咗一個鐘左右完成入境手續,成功上到的士
小綠藥妝 - 通堂拉麵 - 小綠Aeon - 奧武山公園 - 國際通晚餐+行街

Day 2 - 想去牧志公設市場食早餐但係好多都未開 - 到附近食pancake - 國際通再行吓 - 中午12時30分前就要上返船

田媽(專頁:田媽玩樂誌

全職媽媽,每日的任務係帶住囝囝飲飲食食同玩,不斷學習做個好媽媽,發放湊仔正能量,不做怪獸家長



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。