囡囡唔肯飲奶令楊怡大感頭痛 營養師教5招應對BB厭奶期

撰文:余嘉文
出版:更新:

不少媽媽在遇上仔女「厭奶期」都會感到疲倦,用盡方法希望小朋友能夠盡量吃多一點。楊怡於今年4月誕下囡囡小珍珠後一直全心照顧囡囡,不過早前她表示囡囡正值厭奶期,為了讓囡囡胃口好些出盡方法。

+8

楊怡於今年4月誕下囡囡小珍珠,早前楊怡就在Insatgram貼出圖片,表示「厭奶期的珍珠,有時肯飲,有時還是不肯」,然後亦貼出囡囡對著海飲奶的照片,楊怡表示「看住海飲奶🍼,會否另你胃口好些⛅️⛅️⛅️👶🏻👶🏻👶🏻厭奶寶寶成長記🤣🤣🤣早餐🍼和午餐🍼一起食」

+24

營養師李杏榆表示,很多BB都會有厭奶期,一般在3個月至5、6個月期間。「父母可以留意BB飲奶嘅時候,周圍嘅環境會唔會好嘈,例如有人在睇電視或周邊有嘢騷擾到BB,又或者BB生牙仔,唔舒服想咬嘢等等。父母應該知道BB進入厭奶期原因,對症下藥。如果BB是因為平常飲奶時環境太嘈會分心,父母就可以喺餵奶前10分鐘就開始為小朋友提供安靜、舒適嘅環境。」

父母可以留意BB飲奶嘅時候圍嘅環境會唔會有嘢騷擾到BB(Gettyimages/視覺中國)

李杏榆提醒,如果BB將奶吐出,父母應該隔數分鐘再次氹BB飲奶,如果2、3次BB還是不願意飲,就將剩下的奶放入暖奶器,隔一會才讓BB飲。「不過記得奶沖好半個鐘後就要丟棄!如果BB厭奶期經常唔肯食,父母不妨減少奶量,可以為6個月大以上BB添加副食品。如果BB食量真係太少,爸爸媽媽可以留意下係咩原因,可能係因為天氣熱,或者可能BB活動量太低、可能BB瞓瞓吓覺嘈醒咗佢等等。」

另外李杏榆指出,如果平常習慣每4小時餵一次奶,父母便不應該在其他時間餵奶,「其實厭奶期真係好平常,父母唔使太擔心,如果真係好怕,亦可以讓BB活動多啲,令佢哋胃口好啲。」李杏榆亦表示其實厭奶有好多原因,「如果BB只係一餐兩餐飲唔晒,唔使特別擔心,但係如果已經持續幾日或以上,家長就要留意一下BB有冇其他唔舒服嘅症狀,例如經常發脾氣,大小便是否正常等,如果有就要尋求醫生意見。」

陪月員May亦表示,BB到達厭奶期,不要強迫BB飲奶,亦不要覺得孩子年紀小就不定時讓小朋友喝奶。「要定時先至比BB食奶,唔好諗住BB食得小就隨時比奶,咁厭奶期就好快過。」

相關文章:【開學】關心妍囡囡可愛校服look上網課 郭可盈陪女回校取課本

黎諾懿囝囝 黎峰睿(小春雞)

+13

關心妍囡囡 楊榮心

+10
發表評論...