子女手畫Mirror演唱會飛做禮物 2孩媽媽超感動:好開心嘅母親節

撰文:鄧煥儀
出版:更新:

一連六場的Mirror演唱會來到尾場,惟一票難求,近日更現萬元炒價門票!有「鏡粉」媽媽在網上分享,縱然未能親身入場一睹偶像風采,但得兩位孩子親畫門票作母親節禮物,已經甜到漏。她在接受訪問時表示:「可以親子到會場外打打卡,一齊支持Mirror,是一個好開心的母親節!」。

爸爸日日唱姜濤

媽媽Amy育有兩名分別13歲及7歲的孩子,是一名「媽媽級鏡粉」。「我好鍾意佢哋as a team,努力嘅年輕人好值得欣賞。」她表示,今次未能親身入場支持Mirror,「加到六場都買唔到飛,堅決唔買黃牛!」

+5

她又指,除了孩子,丈夫也是「鏡粉」,一家人的話題離不開Mirror。「家姐特別鍾意Ian同埋AK ,細佬就鍾意Edan,爸爸都日日喺度唱姜濤嘅歌!」

+14

到會場打卡也開心

在剛過去的母親節,她收到孩子親手繪畫的演唱會門票作母親節禮物,份外感動。「佢兩個之前神神秘秘咁預備咗一個晚上,母親節正日,猛咁話有一份驚喜俾我,細佬仲話我見到一定會『嘩』一聲。正式收到個信封,我仲以為係一張母親節咭。細佬話媽咪肥嘟嘟,所以媽咪畫得特別肥。講吓講吓,就攞裏面張紙(飛)出嚟囉,結果我真係『嘩』一聲,心諗佢哋點解會買到飛㗎?爸爸都買唔到喎!見到媽咪個反應,佢兩個笑到傻咗,我先至知道張飛係假嘅,跟住細佬唱《蒙着嘴說愛你》俾我聽,就笑到傻咗!」

+17

她補充,女兒還打算彈奏《E先生連環不幸事件》,可惜預備得不夠好,只好在父親節才再接再厲。「張飛結果入唔到去,但可以親子到會場外打打卡,一齊支持Mirror,是一個好開心的母親節!希望多啲人鍾意努力不懈的Mirror啦!」

+15
發表評論...