【親子熱話】怪獸父母要求空姐調工人坐商務艙：仔女冇人餵點算！
撰文：黃慧雯
出版：更新：
復活節是親子外遊的高峰期，不少人也一家大細、甚至帶同工人同行，昨日有空姐在facebook群組CX Secrets控訴，指在復活節期間有一家四口包括父母及兩個孩子同坐商務艙到日本，而工人則坐經濟客艙，但在用餐時間，該對夫婦要求空姐將工人調到商務艙，但卻遭拒絕，夫婦即黑面：「咁我對仔女而家冇人餵，咁點算先！」
（VCG圖片）
該名空姐指「有啲香港人有著數要攞到盡嘅心態；又要我哋幫佢特事特辦，又要呢樣又要嗰樣嘅行為真係好為難我哋。」事緣在復活節，有一個家庭包括父母及兩個約兩三歲的小童坐商務客艙，而工人則坐經濟艙，由於商務艙未滿，到用餐時，他們竟要求空姐將工人調到商務艙餵小朋友進食，但遭空姐上司拒絕，並提議夫婦其中一人跟工人對調坐位，他們兩夫婦即黑面，並指兩人「大大聲罵我哋阿金姐（空姐上司）話佢冇良心，話佢冇愛心，罵住説：『咁我對仔女而家冇人餵，咁點算先！？』
到降落時，那對夫婦再要求工人姐姐坐到商務艙幫忙拿行李，當然再遭到空姐拒絕，他們又再黑面，更說：「如果遲咗落飛機，要你們負責！」
（CX Secrets截圖）
面對這樣無理取鬧的乘客，空姐當然是一肚氣，更覺得這對父母好好笑，又好可悲。「你們有錢去坐商務客艙去旅行，又有錢帶工人姐姐一齊去旅行；但係就冇錢去幫工人姐姐買張商務客艙機票一齊坐去照顧自己一對仔女。又要威又是戴頭盔。妳吔要啲無理取鬧要求唔俾妳又要對我們黑面，又俾面色我哋睇，有冇攪錯？」
貼文在網上引起熱烈討論，網民更批評那對夫婦「有錢去旅行，無錢學做人，畀你全世界去曬都係無增長見聞」「自己餵唔得？生嚟做乜？佢地應坐頭等，頭等有可能提供餵食服務！」