婚嫁|明星婚紗攝影師Chan Kit愛破格 眼神遊戲熱身素人攝出星味

撰文:王靜瑩
出版:更新:

譚凱琪、陳凱琳、何雁詩、張秀文、張寶兒……他鏡頭下是無數穿起婚紗的明星,遼闊草原和大海把她們的美貌襯托得更傾國傾城,沒有人想到這些電影級婚照原來是本地取景,更想不到女星們的「御用婚攝師」竟是個年僅33歲的香港攝影師——Chan Kit(CTKKIT Photography)。
照片上的Chan Kit臉容冷峻,與真人大相逕庭——訪問當天他健談愛笑,落落大方,散發著型格不羈的氣場,這般性格恰恰呈現在他如時尚雜誌的婚攝作品上,Chan Kit笑言:「我鍾意突破傳統框框,將異國、fashion元素加入婚紗相。」

年僅33歲的Chan Kit曾為不少明星親自操刀拍攝婚紗相,其中最注目的莫過於譚凱琪身穿藍色巨型婚紗,在原野上大騷長腿,極具時尚感。其後Chan Kit也隨陳凱琳搭兩個鐘船到西貢綠蛋島,拍攝一輯島上婚照,陳凱琳一身貼身長裙展現曼妙身材,手持的火把增添神秘氣息,同樣轟動全城。

按圖即看CTKKIT Photography為譚凱琪、陳凱琳、何雁詩等拍攝的婚照:

+5

追求破格獨特 直斥客人想法「老套」

Chan Kit於2010年入行,初期主要負責時尚雜誌和商業攝影,擅長拍攝女性人像。直至2012年有朋友找他幫忙影婚紗相,自認不喜歡曬甜蜜的他便嘗試將商業攝影元素注入婚照:「我會由一對新人嘅喜好同生活習慣做攝影主題,咁啱一對新人都鍾意打golf,所以就用呢個興趣。」

用白色高球服取代婚紗,不論造型還是動作都玩味十足。(CTKKIT Photography)

這輯婚照不見婚紗西裝、不見深情擁吻,只見準新人穿著純白高爾夫球服,新郎平躺草地銜住高爾夫球,新娘則一面英氣,準備揮桿打出……畫面玩味十足,難以聯想到是一輯婚紗照,但拍攝後不只準新人滿意,也得到大眾好評,Chan Kit便開始投入婚紗攝影,創造「不像婚攝」的婚攝風格。

Chan Kit接下婚攝工作後,先會與新人面談,了解他們的興趣和生活日常:愛去café 的便先去咖啡店取景,養狗的新人固然要與毛孩拍攝,甚至去過拉麵店、理髮舖影婚紗相,Chan Kit補充:「曾經有對新人話,平時淨係一齊行吓超市買嘢,所以我就幫佢哋係超市影幾張。」

按圖即看CTKKIT Photography過往作品:

+2

作為一名藝術家,Chan Kit自然對自己的作品有要求,不會盲目接受客人意見,而是在他們喜歡的東西上改造得更完美,他憶述,「曾經有個客人話想加部名貴靚車,揸車上山頂影碰杯,我即刻話『唔好啦,好娘喎!』我畀返建議佢哋,請幾個『茄喱啡』著住西裝企後面,鋪張紅地毯,加埋部靚車就成個奧斯卡頒獎禮咁。」最後這對新人接納Chan Kit意見,在這輯婚照中做一對奧斯卡國際鉅星。

「婚紗相係一生人一次嘅事,希望新人日後睇返時都唔會覺得過時,」Chan Kit指出婚照須包含Timeless元素,「潮流係每一個時期都有,但我哋唔可以隨便跟隨潮流,而係透過攝影師同化妝師嘅審美觀,令婚照變得襟睇。」

聽罷客人意見後,Chan Kit會勇於提出自己的想法,令拍攝效果盡善盡美。(CTKKIT Photography)

顧及公眾形象 女星婚攝偏保守

有別於素人婚攝,明星的婚紗攝影在主題和造型上都較「保守」,Chan Kit解釋:「明星要顧及公眾形象,唔會畀人知道佢同另一半嘅生活日常,揀衫都有制肘,有時會聽佢哋講:『呢件衫太性感,我公司唔畀我著』所以我會喺背景入手。」創意多多的Chan Kit又怎會滿足於街知巷聞的山野海灘?近年譚凱琪發佈自己在原野拍攝的婚照,不少人都猜測在外國田園取景,但Chan Kit透露其實在粉嶺沙頭角一帶拍攝,而除了人跡罕至的粉嶺郊野,他還鍾情復古建築,虎豹別墅和仙后餐廳都是他的最愛之一。

婚攝元素 服裝造型最重要

不少女星慕名找Chan Kit幫忙拍攝婚照,基本上都放手讓他發揮,只會對一件事有要求,「佢哋最緊要自己靚唔靚,可能會要求淨係影右邊面,或者用自己嘅化妝師。」明星一般有專屬化妝師,較了解自己的膚質和化妝風格,Chan Kit卻建議新娘選擇婚攝套餐提供的化妝師Aiko Tsang,因為婚攝跟平時明星出show的化妝要求不同,不同的婚攝主題和場景都有相應的妝容表達方法,與主意多多的Chan Kit合作更不能「一妝百用」!「加上我同呢位化妝師合作咗好耐,會夾得好啲,知道點樣呈現最佳拍攝效果。」Chan Kit補充。

若按婚紗相元素(背景、服裝造型、表情動作、後製)的重要性排序,Chan Kit強調服裝造型排第一:「因為背景我都可以blur,後製我一般都唔多,只會tune吓色,但係件衫同個妝唔掂就真係唔得。」因此Chan Kit除了有合作的化妝師,還會建議客人到指定服裝平台租借,確保拍攝效果。

Chan Kit認為在拍攝婚照時服裝造型和表情動作最重要。(CTKKIT Photography)

先玩10級眼神遊戲 素人攝出星味

服裝造型以外,其次就是表情動作。明星早已習慣面對鏡頭,一顰一笑都散發攝人魅力,但Chan Kit的客人中也不乏素人情侶,他又如何把他們影出「星味」,宛如時尚模特兒?「我會先同佢哋做啲熱身,叫佢哋向鏡頭行過嚟行幾次,熟習鏡頭;玩吓眼神遊戲,將眼神感情分為10級,10係最兇狠,1係最楚楚可憐,畀佢哋由1試到10,睇吓邊一級最適合影婚紗相,通常4到5級就最好。」他又補充,「音樂都係好好嘅方法,我好多時都會播住音樂影相,大家會relax啲。」

令客人放鬆,呈現最自然的表現也是攝影師的工作。(CTKKIT Photography)

CTKKIT Photography
網址:https://www.ctkkit.com/
收費:$26,800起

Photography : Chan Kit @ctkkit @ctkkit_photography
MUA : Aiko Tsang @aikotsangmakeup
Lighting: Feilhaber Mung @feilhaber_mung
Wardrobe : The Wedding Gown @theweddinggown_official
Styling : The Styling Concepts @thestylingconcepts @jac.cheung @jenny_theprofile

婚攝小貼士 事前功夫要做足

由相知相愛,到攜手步入人生新階段終究是喜悅之事,影婚紗相最重要就是留下美好回憶,與其緊張效果,不如帶著輕鬆愉快的心情,當成約會般玩一場,接下來的就交給攝影師吧。

要過程輕鬆放心,最重要都是揀選合適的攝影師,了解對方的攝影風格和再三商議,以下有幾間pre-wedding婚攝師,不妨作個靈感參考。

按圖看更多pre-wedding婚紗攝影師收費

+3
你可能感興趣