【惹火有錢仔】3億身家換不到真愛 富三代痛失初戀:我唔識尊重

撰文:余秉峰
出版:更新:

富家子弟「花心」是常識吧﹗「工廈大王」鍾江海的孫子鍾培生,早在22歲創便立香港電競公司,商場經驗值爆燈,但在情場卻可能是「純情小鴨鴨」一名。
此話可解?原來,這位富三代24歲才把初戀情人追得手,自爆「我鍾意咗佢十幾年﹗」不早早進擊,原來擔心太早拍拖容易散,忍耐是為了走更遠的路。只可惜,愛情很迷離,鍾培生的初戀5個月就玩完,賽後檢討,他說︰「人哋會有嘅基本嘢我地反而無,小學生識尊重、包容、感恩,我哋都唔識。」
3年過去,鍾培生仍然單身,走進這名城中「筍盤」的內心世界,沒有奢華生活點滴,倒有意想不到的一句︰「以後我可能會出家,講真﹗」

訪問期間,鍾培生提及自己前女友時,表情比初時從容。(梁碧玲攝)

了解鍾培生的商場經歷,打開下文發掘更多:

27歲靠「計」創3億生意 鍾培生:唔識嘅嘢唔投資

訪問是在鍾培生居住的淺水灣萬呎獨立屋之中進行,可能尚在早上時份,鍾培生表情有點睡眼惺忪,懶洋洋地靠在梳化椅上,但提及自己的初戀情人,眼睛突然散出一抹光芒,身子也微微向前一傾。果然是年輕人,說起女人也「精神」。

99朵玫瑰花 比不上一束繡球

「我由11歲開始就鍾意咗佢,鍾意咗十幾年﹗」他的初戀情人家境同樣富裕,兩人自小認識,雖然兩人大多一年只見面兩次,照樣互生情愫,「我知道細個拍拖容易散,雙方有共識等成熟時再拍拖結婚。」直到2014年5月,兩小無猜認為時機成熟,決定正式拍拖,鍾培生卻發覺是「惡夢」的開始。由於大家都是名門出生,身邊人總會遷就他們,待人接物欠奉良好態度,「人哋好多冇嘅嘢我哋都有,但人哋會有嘅基本嘢我哋反而冇。小學生識尊重、包容、感恩,我哋都唔識。」

有一次,鍾培生眼見前女友工作辛苦,特意送她99朵玫瑰花束,好意卻換來挑剔,「Derek,我都同你講過,我係鍾意繡球囉,是但啦,我都多謝你嘅。」鍾培生模仿前女友這番說話時,提高了半個音階,仿如電影情節中的港女語調,然後感慨道:「我做一堆嘢出來,原來你唔識感恩。」鍾同時坦承,其實兩人都是完美主義者,感到對方未能百分百做到自己的要求,就會心生不滿,拍拖5個月積了不少心病,縱使兩人從未吵架,仍要「因了解而分開」。

鍾培生認為香檳「性價比」高,飲得安心。(梁碧玲攝)

圈子多富家朋友 有錢也平凡

「果時我態度都唔好,而家進步咗好多,3年前比而家幼稚。」鍾培生形容,從小時候開始很多事情順風順水,總是覺得別人表現差就是有問題,「會覺得你做錯少少嘢,我就睇你唔順眼,你消失啦。」一場失敗的初戀帶來人生反思,鍾培生相信做人應要「修身齊家」,問題在於,態度改善未足以吸引其他女生,分手至今總是單身。除了自嘲個子長得矮,「識唔到女」是他心中另一件最衰運的事。

記者翻查鍾培生的facebook專頁,發現鍾培生在不少相片之中,身邊都伴着年輕貌美的少女,看似「艷福不淺」,「啲人睇太多戲,以為有錢就好多女埋身,但實情唔係咁。」鍾培生解釋,自己去的消遣地方雲集富二代、富三代,不論男女都家境相近,「大家咁高咁大,一晚消費到1、2萬蚊嘅,大有人在,如果啲女仔係睇得咁膚淺,都唔會揀我。」

發掘鍾培生的「少年股神」事跡,打開下文了解更多:

靠炒期指賺逾千萬 無心做股神 創業搞電競公司

鍾培生不愛開車代步,偶而間才借父親的汽車外出。(梁碧玲攝)

不會奢華生活︰好難賺我嘅錢

不少有錢仔喜歡炫耀奢華生活,玩世不恭的態度,往往成為追求窈窕淑女的利器。帳面身家3億元的鍾培生剛好相反,坦言花錢喜歡計算成本效益,雖然自己愛飲葡萄酒,卻偏好買香檳,「因為紅酒性價比好貴,同樣等級嘅酒,紅酒可能要15,000蚊一枝,但香檳2,000蚊就買到,咁我飲(紅酒)嘅時候會覺得『唔舒服』。」

商界名言是「人靠衣裝」,鍾培生不以為然,「你係得嘅話,T-shirt配底褲都得喇﹗」指自己最不喜歡買名牌服裝,也不常添新衣,上一套「新衫」是在2016年中買下,當時到台灣要出席一場晚會,卻忘了帶西裝,唯有在當地買一套應急;「新鞋」則在去年年初入手,是一對數百元的Nike波鞋,「我係會補鞋果種人來,啲人好難賺我嘅錢」。

更多精彩商界故事:

二代力挽家業危機 要求父交工廠股權 裁員800炒騙錢親戚

毛里裘斯出世 二流大學畢業 Klook創辦人一句話打動投行面試官

90後IT男幫人寫網頁賺第一桶金 未發達已話要半退休︰唔想太冒險

衣服不講究,被喻為「溝女神器」的名車也欠奉,每個月也或許會借用父親的汽車外出一次,「但唔鍾意開車,又要自己泊又麻煩,最緊要快,港島搭的士,過海就搭地鐵。」鍾培生坦言,自己沒幾多感興趣的事物可以花錢,加上對打機的興趣愈來愈淡,又沒有女朋友,人生中最想追求的東西,目前只得自己的事業,「以後我可能會出家,講真﹗」