騰訊2成股權17年前「僅」以億多美元沽出 李澤楷:一個好大教訓

撰文:陳嘉碧
出版:更新:

李澤楷今日出席香港電台電視節目《大學問》時重提,2001年時出售所持「股王」騰訊控股(0700)的2成股份一事。

放掉騰訊股份,他坦言不只一次好肉赤,是一個好大的教訓,並解釋當時排在第一的永遠是危機感,「18年前30出頭,用股票兼借180億美元債務購買香港電訊,同啲同事大家話,『所有唔係核心業務全部都要賣』」。

180億美元債務足令公司清盤

李澤楷憶述當時其公司市值僅700億美元,但現金流只得10億美元,再以股票同銀行抵押借180億美金購買香港電訊,「壓力係好大,因為可以令到公司清盤」。

他續稱這個債務也是給予自己的藉口,「點解騰訊都睇唔到,唔留返係到,就係我比自己一個時間表,個時間表好簡單,180億要喺12個月之內變成120億嘅債務,再要喺24個月變成80億」。

他指出,當時每一日交的利息,是以180億美元本金計,數目不少,當然壓力好大,故他要將公司資產善價而沽,於最短的時間內減債。

賺十倍就沽騰訊

李澤楷又說,當時不加思索出售騰訊,「當時20%騰訊賣咗億幾銀美金,賺10倍到啦,好啦,賣啦。諗都冇諗,係一個好大嘅教訓」,更指出「當然依家20%嘅騰訊係今日香港電訊嘅一百倍都唔止」。

翻查電訊盈科(0008)及香港電訊(6823)今日收市價,兩間公司市值分別為330億元及807億元。而騰訊今日收市時,市值為2.47萬億元,騰訊2成股權,市值近5,000億元。

他認為所獲的教訓是危機感需要,但「細嘅都要睇到,但當時冇咁嘅心情去睇得到」。至於今日會否再買騰訊,他就說不予評論。