【溫多娜手記】太興上市記招　港版Iron Man撐場　話最愛呢兩樣野

太興集團（6811）今日舉行上市記招，除了有一眾管理層之外，太興代言人、「港版鐵甲奇俠（Iron Man）」郭偉亮（Eric Kwok）亦有現身撐場。

Eric Kwok話自己13歲就移民到美國，暑假果陣返黎同朋友聚會，不時會幫趁銅鑼灣太興燒味店，估唔到自己好多年後會做左太興代言人，仲見證太興由一間西灣河燒味店，拓展至遍布中港台嘅連鎖餐飲集團。

Eric Kwok仲大讚太興集團主席陳永安對食物好有熱誠，鐘意研究更多創新菜式，希望佢可以將呢股熱誠延續落去，幫手宣揚更多香港地道美食。Eric Kwok又話自己做咗5年太興代言人，最鐘意太興嘅燒味同埋冰鎮奶茶。