馮盈盈通過CFA Level 1 fb帖文感謝「背後的男人」｜溫多娜
撰文：溫多娜
出版：更新：
CFA﹙特許金融分析師﹚考試雖然號稱「全球最難金融考試」，但每年都吸引唔少人報考，就連藝人馮盈盈亦「撈過界」，成功通過CFA一級考試，認真唔簡單。
佢喺個人Facebook發帖文，宣布呢個好消息，仲借機多謝父親，想將成績當作生日禮物送畀佢。原來，當日八點考試，馮盈盈打算提早一小時到達試場準備，正愁朝早六點點樣Call車出門，馮爸已自動請纓做愛女嘅「柴可夫司機」，仲十分窩心講咗句︰「當年你應考DSE，我全程接送，今次你考CFA 我也會一樣做，這次你會一樣合格的。」
果然，在馮爸愛心加持下，馮盈盈成功Pass，佢感恩話︰「十年過去，時移世易，父母的愛 ，始終不變。」
CFA協會早前表示，5月份一級考試嘅通過率為38%，高於2月份36%同11月份27%，但就低於過去十年41%平均值。如此低合格率，馮盈盈成功過關，溫多娜畀個Like佢，但由於整個考試要過三關，馮盈盈向父親明言會多加努力，還不忘打趣道︰「勞煩你之後再車我去考場！」