【大學生】返Intern冇人工有乜問題？ 刷靚CV、建立人脈先係叻仔
有付出便有回報，天經地義，但返Intern又是另一回事。有人話，返Intern無人工是搵笨，不過我當年返intern都無錢，同學都無投訴，因為無intern應該冇今日的我。
過期大學生
曾經的大學生，80後老鬼，身老心不老，自問玩盡大學3年，勁爆回憶同美好經歷，足以講足30年。
刷CV
基本上，絕大部份的同學，畢業的時候CV都是一片空白，Intern就似是顏色筆，幫你CV填色的。為了CV上可以好睇些，同學都會爭入大公司。對將來見工，尤其是返同類型工作，你有這一欄經歷，總好過別人沒有。
【大學生Ocamp】玩City Hunt有乜錯？新生應該熱血 唔理世俗目光
學到幾多 袋到幾多 自己決定
當年蘋果教主喬布斯（Steve Jobs）都去過HP做Intern，從而認清自己應該要走的路，唔通真係單純為錢咩。返Intern，就等於踏半隻腳去職場，識到幾多人，學到幾多嘢，基本上睇你造化。就算只係一粒薯仔，你幾有心去做，在公司付出過幾多，出來工作幾年的老屎忽，一眼就睇得出。
建立人脈
校園生活和職場生涯是兩回事，預先體驗是百利而無一害。加上在Intern期間，你可以識到許多人，藉機建立人脈，累積的contact list，通通都是無價，無論是將來畢業找工作，抑或是同行的行家，交換情報也絕對會有幫助。
為錢 千祈唔好返Intern
Snapchat的創辦人Evan Spiegel，當年都入過Red Bull實習，並負責市場推廣，但就沒有任何人工。不過就從中了解到市場營銷以及協助各種電腦平面設計項目，對日後事業的發展有很大影響。
所以返Intern好講心態，你純粹想賺錢，不如直接搵份part time便算。請你的公司要搵人教你，你返幾個月又走，無即時貢獻，你憑乜去要求回報呢？
講真，無償實習其實很普遍，在中國大陸、美國、澳洲都是這樣。而且按現時香港的法例，實習生是在「最低工資」的豁免範圍，因此無薪不屬違法。不過，返Intern最重要是賺取經驗，借用《見習冇限耆（The Intern）》中的一句話「 Experience never gets old. （經驗是永不過時的履歷）」各位年輕人共勉之。
如果你又返緊Intern，又或有其他意見的話，歡迎留言和大家一齊討論下，究竟無償工作是否有問題。
你都想成為開筆一份子，稿件可電郵至opener@hk01.com；文章純屬作者意見，不代表開罐立場。