用Emoji的3類人 表情型、簡約型、謎語型你是哪種？
Emoji地位幾乎取代文字，成為這一代人溝通橋樑，不過和寫信、講電話一樣，總有些人溝通起來特別有Style，或者是乞人憎。Send Emoji都係一樣米養百樣人，你會否也是以下其中一型？
爆檸哥凍飲點解要加兩蚊？搭的士點解唔找碎銀？出名包拗頸，想打破傳統，用文字改變世界，識睇一定睇我，因為我最爆。
話說Apple昨日（6日）公佈最新一批emoji，適用於iOS11的iPhone和iPad用戶，最快10月中有得用！新增的emoji當中，包括有表情符號、動物、衣物、食物及美人魚等，最特別就是首次推出的中性面孔。不過，對我就未必有用。
1 表情型爆檸哥自問為人有碗話碗，所以我用Emoji總是直接表達自己心情，幾乎都只會選擇表情類Emoji，不是笑到喊，就是紅色嬲嬲，爆粗嬲嬲可能啱我，不過女同事T就話好適合PR型港女，她們最愛月亮面、貓貓面，目的就是讓你無法確定意思，隨時可以話係你Get錯。
2 複雜型vs簡約型
新emoji又加咗一批食物，對於有心機玩emoji的用家肯定是喜訊。你身邊可能都有一個複雜型用家，他們編排emoji就好似中學作文咁，幾乎每隔幾粒字就會有emoji，想強調氣時，同一個表情會貼20個甚至更多，相對這些複雜型用家，簡約型用家就慳得多，用emoji總係一個起兩個止，只係輔助他們發送「錄音」短訊工具。
3 謎語型這類用家應該是少數民族，但如果你朋友夠多，應該都會遇過，他們以善用各款emoji為榮，也以刁難到對方為榮。所以越多類別emoji誕生，他們就越興奮。他們喜歡發送以emoji組成字句，故意要你猜他寫什麼，你表示不懂，他就會滿足地笑著解釋用意，這類人如果是戰時，應該可以當密碼編譯員。
講返新增emoji，萬聖節將至，iOS11.1將會有4款傳說人物emoji：美人魚、吸血鬼、巫師及小精靈，今個Halloween出post時，又多款emoji可以呃like！嗱，爆檸哥我幾時都話，貴少少買iPhone係值得嘅！
踏入秋冬，還有3款冬季衣物：頸巾、手襪和乾濕褸。另外，有韓風男女家中必備的cap帽。
更多新款emoji：
（資料來源：Apple）
你都想成為開筆一份子，稿件可電郵至opener@hk01.com；文章純屬作者意見，不代表開罐立場。
觀看更多年輕人話題：
【Profile Pic應該選哪張最吸引？教你選頭像做女神】