女生才懂的浪漫 會同閨蜜「一齊沖涼、著佢條底褲」
撰文：張定明 鄭韶華
出版：更新：
一世人流流長，總會遇上幾個閨蜜。
全盛時期的閨蜜，可以「一齊沖涼」，可以「著佢條底褲」。不過有些閨蜜，總會在成長時期失散，然後驀然回首，才發覺欠對方一句「對不起」。
女生分享她們的閏蜜有多親密，她們指可以「一齊沖涼」以及「著佢條底褲」。
「朋友，我當你一世朋友」，
普通朋友之上，男生會稱為兄弟，
兩脇插刀，閒時講女講錢，有時又老老土土；
女生則叫做閏蜜，
可以分享食玩買最新資訊，
說說街頭碰見的靚仔，
分享自己男朋友的不堪。
男人：閏蜜會煽風點火
《開罐Opener》早前在街頭
訪問一眾年輕男女。
男生眼中的閏蜜，
認為她們的話題是圍繞「講男人」，
又指她們會「煽風點火」，
尤其在鬧交時，
女朋友的閏蜜就飾演軍師的角色，
控制女方幾時嬲，幾時和好，
「話你男朋友有幾衰，搵過個啦，
You deserve better」
就像控制棋盤中的棋子一樣。
Eunice（右）指與閏蜜曾一起旅行，因為感覺酒店房間有點恐怖，所以與閏蜜一同洗澡，以及一同談論「講吓大家嘅男朋友幾蠢」。
女生：講吓大家嘅男朋友幾蠢囉
女生受訪時則指多數會與閏蜜，
「講吓大家嘅男朋友幾蠢囉，
同埋有幾唔明我哋嘅心意囉」。
男朋友就像是一個沒完沒了的話題。
其他話題則是「都係講人壞話同互mean」，
說一些「你好肥要減肥」的真心說話。
全盛時期的閏蜜，
兩個女生會「一齊沖涼」，
因為去旅行時會怕黑。
有些日子會去對方家裡過夜，
可以「著佢條底褲」。
Iris則指，曾經到閏蜜家過夜，但沒帶衫褲，所以曾穿閏蜜的內衣褲。
但閏蜜之間，也總有爭拗的時候。
「同閨密有嗌過大交，
因為我哋都對同一個對象有興趣，
我又鍾意個佢，
佢又鍾意，
後來覺得對方真係好重要，
佢最了解自己，根本係無可取代，
所以選擇同個朋友好返」。
有些閏蜜會因而消失不見，距離越離越遠。大學生阿So指，好想找回以前的閏蜜，跟她說一句對不起。
失散的閏蜜 「想講一聲對唔住」
爭吵過後，
有些閏蜜會因而消失不見，距離越離越遠。
有一名大學生指，
「嗰時仲細呢，諗野好幼稚，
聽一句就發人哋大脾氣，
又唔搞清楚事實呢，
之後嗌交囉，所以無聯絡，
好想搵返佢，
同佢講一聲對唔住」。
「人生有個真正朋友的確好極」，
人一生或許遇過的好朋友，
10隻手指做得盡，
每一個也得來不易，
與其因為小事鬧翻
不如想辦法跟她再做一次好朋友。