90後情侶30日鹿兒島走到福岡 「想逃離香港公式化生活」

撰文:
最後更新日期:

兩個年輕人,用了30日由鹿兒島徒步走到福岡,開設facebook page紀錄行程,獲大批網民讚賞「熱血」。本以為完成旅程已是最開心的事,但25歲的HaDee返港後卻認為,令她感到最高興和最感人的,反而是沿途所遇到的人和事。

出走的原因有很多,「想逃離香港公式化嘅生活,去尋找簡單嘅未知數」。(受訪者提供圖片)

 請點擊「全螢幕」觀看影片 


逃離香港公式化生活

HaDee出來社會工作數年,
已感到「做嘢做到滑晒牙」,
徒步出走的理由很簡單,
就是「想逃離香港呢個咁公式化嘅地方,
感受下簡單嘅未知數」

碰巧遇上廉航公司減價,
HaDee和男朋友就雙雙辭職,
踏上這看上去不可思議的旅程。

沿路風景藍天綠地,美不勝收,亦帶幾分寧靜。(受訪者提供圖片)

HaDee認為,
徒步30日旅程並非偉大壯舉,
但能夠堅持到完成,
已經是她人生最值得自豪的事

30日的旅程中,
HaDee和男朋友依靠Google Map,
動輒步行十多小時,
換來的就是「頸痛呀、腳痛呀,同埋生水泡」

HaDee指,不少路段均時看不到盡頭;下雨亦要繼續趕路。(受訪者提供圖片)

唔可以辜負支持者

長路漫漫,HaDee笑言行路的念頭,
是「想行咪行囉!」
到達日本後,發現「行親啲路都係睇唔到盡頭」,
上山落山,再轉幾個彎,
支持著她倆的,就是「堅持」兩個字。
「諗返起自己點解會想去行,
或者係一直以嚟遇到過嘅日本人又好、
香港人又好,都好支持,
你就會覺得唔可以辜負佢哋。
有呢種堅持,
其實啲咩困難都唔係啲咩大不了嘅事。」

HaDee和男友,背著大背囊步行30日。(受訪者提供圖片)

那麼旅程中最令她滿足的事又是甚麼?
每日在山路行走十小時以上之後,
「可以喺酒店攤喺一張又大又軟嘅床上面,
你已經覺得,嘩真係好正呀!」

【另看】徒步旅行最緊要鞋和襪? 話你知要注意的5件事

兩人在路程中亦遇到不少友善的日本人,圖右是帶著兒子去捉魚的媽媽。(受訪者提供圖片)

難忘友善日本人

最感動HaDee的,
大概就是友善的日本人。
HaDee形容,
「九成九舖頭啲人都會嘗試同我哋傾下計」,
有人會請她們飲飲料,
更有拉麵店老闆,
得知她們徒步旅遊後,
欣賞她們熱血和敢想敢做的決心,
決定放下營業中的拉麵店,
加入她們的一小段行程以表支持,

最後更含淚揮別HaDee和男友。

HaDee在旅程中目撃有遊客在地鐵內大聲講話、垃圾不分類;希望港人出外時可切身處地多一點。(受訪者提供圖片)

HaDee指,
曾想像如果在香港徒步旅行,
「理我地或者八卦我地做啲咩嘅人可能就比較少」。
 HaDee亦在旅程中遇到不少外地觀光客,
在公共場所大呼小叫、垃圾不分類、霸佔著自助點餐機;
令她不禁反思,
「其實遊客可唔可以學下日本人嗰種,
唔想打搞到人同騷擾到人嗰種心?」

走到小店,兩名年長老闆熱情招待,亦盡力溝通,令人感動。(受訪者提供圖片)

性格變得更主動

除了反思如何做個精明遊客,
HaDee亦認為這一次旅程令她成長不少;
最明顯的轉變,
是為人不再如過去般冷漠。
「其實我覺得香港人都係偏冷淡,
可能喺日本俾得太多日本人打動到喇,
所以就知道原來一句關心或者一句鼓勵,
都可以有好大嘅影響」

HaDee最終成功由鹿兒島走到福岡,又寄語大家「想做就去做啦!加油!」(受訪者提供圖片)

對於不少網友在facebook專頁為她打氣,
「原來睇落去好似幾冷漠嘅香港人,
喺網絡世界都幾熱情」。

勸勉港人:想做就去做!

對於不少網友看過她的經歷後,
紛紛指自己「無錢、無時間」,
HaDee則指自己與男朋友兩日,
整個30日旅程共花約三萬港元,
每人折合萬多元玩一個月,
亦不算很大消費;
她又寄語一眾想追夢的網友,
「無論幾多歲,
都可以做自己想做嘅嘢嘅,
擺得愈耐就比得愈多藉口自己,
所以諗到就快啲去做啦!
加油!」



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。