如果說電影圈是個夢工場，倒不如說這個夢，是靠一大堆你從來不會多看一眼，不會刻意記得的人成就出來的。「我出街冇人認得我」，他是其中一個在行內追逐光影的人，入行10年，演過電影、電視劇、MV、廣告，即使銀行儲蓄試過得個位數，親人的冷嘲熱諷，女朋友的薪金比自己高，但他仍然選擇駐足這一行，他的名字叫，黃溢濠。

【點擊「全螢幕」觀看影片】

看過名字，你或者不會記得。再看樣貌，你也許有點印象，卻總是說不出，你在哪裡見過他。

黃溢濠，他說不上平步青雲，卻比很多人都要幸運。10年前，仍是中學生的他，被著名導演劉國昌發掘（劉國昌執導作品包括《五億探長雷洛傳》、《我要成名》、《毒‧誡》等等）。黃溢濠年僅14歲便主演第一齣電影《圍城》。其後，他繼續學業，讀至中六，19歲那年，決定全職投入做演員。

「當你一話係做演員嘅時候那些人就話，你做明星㗎你係咪搵好多錢㗎咁你咪好忙囉」。黃溢濠坦言，這是別人誤以為的風光。

直至現在，5年後仍然過著半紅不黑的演藝生涯。他形容，演員平時其實是沒事做，「我哋同失業嘅人是冇分別的，今日拍完戲，你唔知下一日是幾時，我最長試過大半年冇嘢做，冇工作冇收入，」食飯又要就住食見朋友又要洗錢，就不如唔好見」。這些幾乎是大多數演員的必經之路。

媽媽：「點解你咁唔負責任」

黃溢濠這樣形容自己在做的事「餓又餓你唔死，彈又彈唔起」。談到同期的演藝朋友，例如游學修、林耀聲，各自都有在不同電影擔當主角，溢濠當然替他們高興，但難免家人總有「說話」畀他聽。「阿媽就會話，幾時到你呀？點解你咁唔負責任，你都冇回報畀我嘅，我自己諗有時唔問你攞錢都算係咁」。開工開得少的時候，自身難保，更遑論給家用。

女朋友：「搵工做」

溢濠回想，在沒戲拍的日子，覺得最難堪的是，女朋友也叫他「搵工做」，於是，他曾經為了糊口，放下一陣子夢想，「我走去做Sales，冇人知㗎」不過，一有工開，便會馬上辭職。

「我覺得自己是演員但人哋未必覺得你係」

入行10年了，時間說長不算長，但也不是黃毛小子，他最近一年，便遇到最不受尊重的時候。「有一次，去一個電影做客串，去到拍完，製片同大家講放飯啦，大家放飯，換完衫，製片過來說，溢濠你食咗飯未，未呀，搞掂埋就食，個飯喺度，然後佢話，我哋冇預你飯今日，所以…」

當時，片場就像上演《喜劇之王》的情節，「我（溢濠）話，你拎返啦，啲主演朋友都企喺度問，即係點呀，我咪話，即係冇飯食囉，我走啦」。

從來，溢濠都知道，自己不是明星，只是演員，「我不需要你當我是明星主角般看待，我都有為咗套戲付出㗎，點解我冇飯食」。

縱使，演員沒有令他走上青雲路，也沒有令他飛黃騰達，也未見到曙光，但他未有打算放棄，亦沒有為自己設限，「一種是你鍾意做嘅嘢，一種係生存，我當然仲係揀緊鍾意做嘅嘢啦。冇嘢輸㗎，如果真係做唔到嘅，咁我都係廿幾歲，重新來過都得㗎」。