36歲開fb page重新出發 電視精游大東:靠寫文救返自己

撰文:
最後更新日期:

香港的年輕人或許不是不看電視,只是不愛看香港的電視。港人平均只需3日便能追看Netflix整季節目,相比全球平均要花上4日為足足快一日,足以證明港人有多熱愛煲劇。

不過,網上普遍充斥著日韓英美劇集的討論,否則便是一面倒批評某大台節目有多垃圾。在Facebook不時發文評港劇、更訪問演員有關劇集內演繹手法的游大東就認為,香港的電視業仲有得救!

【點擊「全螢幕」觀看影片】

有多少年輕人還會電視汁撈飯?(視覺中國)

曾幾何時,
坐在電視前追劇是每日必做的事。
放學回家看卡通片,
晚飯之時就是看劇集的時候,
那時首首劇集主題曲都識唱,
當劇集來到大結局,
更會難過不捨得想哭。
可惜的是時代變遷了,
香港的電視劇卻沒有跟上觀眾的節奏
身邊仍然討論電視劇的大有人在,
但更多的是轉投美劇日劇的懷抱,
餘下的就是批評大台有多「膠」。

【演員血淚】入行10年沒人識? 拍完場戲被製片話「冇預你食飯」

游大東想觀眾也不只評「膠不膠」

在Facebook上,出現了游大東的專頁。
他不談演員的八卦,
寫文章分析《同盟》的三大敗筆、
談無綫台慶的原有功能、
即時評論該晚播出的節目、
訪問唐詩詠有關演技的新嘗試,
甚至最近更籌辦全民票選電視大獎。
他不希望觀眾的討論只停留在「膠」與「不膠」,
一套劇拍得好有好多原因,
套劇拍得膠都好多原因,
唔係淨係因為TVB拍that's why就係膠
」。

80後祼辭兩年 走遍60國家 「你返工唔開心 點解要繼續返?」

《溏心風暴3》第一集,夏雨飾演的黃永正成為「奶茶王」,才回到店裏,全部客人就要求他表演沖奶茶。(電視畫面)

評論一套電視劇好與壞,
游大東認為要從劇本、製作去判斷,
究竟劇本裏的角色性格有否不連貫、
劇情是否合理、
製作是否用心。
在他的眼中,
《溏心風暴3》是個極差的示範
「第一集陳敏之同夏雨去返茶餐廳,
全部茶客見到奶茶王,喺度歡呼喎,
然後圍住個水吧睇住夏雨沖奶茶,
我心諗你去到茶餐廳會唔會見到咁嘅畫面吖,
絕對唔會㗎嘛」,
劇本脫離現實,所以沒有看下去的理由。
反而《降魔的》,
他覺得對白寫得細膩,
令演員容易入戲,
繼而帶動觀眾情緒,
雖然佈景太假,
但仍將《降魔的》評為無綫去年最出色劇集。

【窮遊世界】90後女生2.3萬歐遊86日 出書做全職旅人

游大東認為《降魔的》劇本出色,是去年無綫最佳劇集。(電視畫面)

講到尾港劇劇本最出事

日劇美劇當道,
游大東專頁也有談日劇《陸王》,
也有講美劇《怪奇物語》(Stranger Things),
與港劇相比,確實高出一個層次,
「點解Stranger Things睇完第一集,
你停唔到要直剷落去第九集吖?
個劇本吸引你囉。
點解德國個套Dark(《闇》)咁多人講?
佢好複雜㗎喎,有70個角色㗎喎。
點解都想睇?因為個劇本吸引到你去睇。」
反觀港劇,講到尾還是劇本最出事。

【整容背後】22歲整形30次  隆鼻失敗才醒覺:為男友整容好傻

(《Stranger Things》劇照)

盼帶起討論影響行業生態

劇本出事,歸根究柢還是香港電視業生態。
一台獨大的影響下,
製播不分途某大台簽死了所有藝人
自然限制了很多創意。
游大東透過行內消息了解到,
原來電視台高層的一聲令下,
多離譜的構思,也要由編審指派編劇執行,
所以有時「膠」,只是因為高層離地。
於是他開設專頁、甚至自行籌辦電視大獎,
最終願望的就是引起大眾的討論,
由街外人影響行業中人,
令電視行業發展得更健康。

1993年《靈通天地線》的其中一集指青山公路影快相時拍到鬼影,當年還是由吳剛(右)主持。(網上圖片)

小時候每晚以電視汁撈飯

對香港電視有如此寄望,
或許源於小時候對電視節目的熱愛。
小時候的游大東,跟祖母一起居住,
家裏有十多人。
父母沒有禁止看電視,
加上家人都喜愛流行文化,
所以每晚的必備節目
就是十幾人圍著電視機而坐,
以電視汁撈飯。

1986年亞視播《秦始皇》
5歲的游大東已經會扮皇帝唱主題曲;
1993年吳剛主持《靈通天地線》
當中一集指青山公路影快相時拍到鬼影,
12歲的他害怕得躲在床上;
中學時代的他每日都錄影電視節目,
包括《刑事偵緝檔案》
其後又為追看《X檔案》而不願睡覺。
他形容當年的自己,就是從電視去認識世界。

當年的《x檔案》,令游大東有不少夜晚都不願睡。(網上圖片)

睇電視=師奶、老人家?

但自大學畢業以後,
他有一段時間不敢承認自己是電視迷。
「人哋覺得你睇電視好怪,
人哋覺得你睇電視會聯想到『乜你咁師奶㗎』
或者『咁老人家㗎,我哋後生我哋唔做呢D。』
觀察到的是,
明明亞視的《亞洲星光大道》很好看,
但身邊的人只會討論無綫節目。
到自己讀了文化研究碩士,
也在Facebook專頁擺明車馬寫電視,
才願意接受電視迷這個稱號。

35歲來重新出發,游大東說,雖然起步比別人慢,但其實對他而言還是剛剛好。

經歷人生低潮 從電視找回目標

一年多前在專頁寫劇之時,
是他經歷人生最低潮的時候。
「工作上都唔順利,
有段時間甚至係所有嘢都唔順利,
咁你就會好質疑自己。
我開始寫文就係我人生(裏)
心情最崩潰、最差嘅時候。
我係透過寫電視,某程度上係救返自己。」
因為游大東這個名字,
為他帶來了訪問機會、
認識行內人的機會,
讓他肯定自己的能力,
更重要是重新找到了目標。

我36歲,喺呢個歲數
搵到你願意全程投入去追嘅夢想,
係好重要但亦都唔容易。

縱使要犧牲自己的工餘時間,
甚至一日追看七部電視劇,
另外還會逐個回覆網友留言,
但他忙得快樂,
「可能今次係最後一次
用啲咁嘅力去經營一樣嘢,
畢竟唔係每個人都有呢啲機會,
所以唔想後悔」。

游大東舉辦2017香港電視大獎,現正舉行全民投票。(網上截圖)

適逢香港電視業誕生60年辦電視獎

也因為想搏盡無悔,
他決定在香港電視業誕生60年
籌辦2017年香港電視大獎,
當中有30個獎包括劇集、劇本、男女主配角等等,
全由香港市民投票心水人選。

「點解香港有電影金像獎,
但冇電視嘅金像獎?
點解得一個台頒畀自己嘅人,
而唔係公開地接受其他電視台嘅作品一齊去競爭呢?
你話冇一台獨大、冇霸權,
呢啲咪就係霸權囉。」

不論是開專頁還是舉辦電視獎,游大東都是希望香港電視業可以進步。

鬥,就要全港劇集一齊鬥

鄙視霸權,
也是痛惜台前幕後的努力難被廣大市民認同,
「《降魔的》劇本寫得好,
如果劇本可以同其他一齊競爭,
馬國明又可以同其他台嘅演員一齊鬥,
去競爭一個獎,咁樣選出嚟咪更開心囉。
因為唔係淨係個台嘅高層覺得你得,
而係全香港嘅市民都覺得你得呀嘛
。」
獎項於2018年1月17日截止投票,
詳情可到游大東【鴻鵠志-影視筆記】瀏覽。

如果最後證明香港市民只喜歡「爛劇」,
他會否憤而不頒?
「如果大家覺得《溏心風暴3》值得攞劇集獎,
我接受呢個答案。」
游大東咬牙切齒地說。



請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Microsoft Edge 或 Safari。為避免使用網頁時發生問題,請確保你的網頁瀏覽器已更新至最新版本。